3122/2023-2024

LUNGLEI the 19,December,2023: Vawiin khan Lunglei District chhung hmun 5 ah Sorkar laipui hmalakna mipui te hnen a hrilhhriatna Viksit Bharat Sankalp Yatra (VBSY)  programme hlawhtling taka hman a ni. He hun hi Group 2 ah hman niin Group 1-na (Van Number 1) chuan Hrangchalkawn,  Lungpuizawl leh Sairepah te hun hmangin Group No 2(Team No 2) chuan Belthei leh Putlungasih khua ah hun an hmang.

Lunglei DC Pi Ramdinliani pawhin Sairep ah hun  hmanpuiin Sorkar laipuiin India khua leh tui te tana hamthatna a siam te India ram kilkhawr bera awm pawhin a bo a bang awmlova dawng thei tur leh  chhungkaw tinin an hman tangkai chu an duh a ni tih sawiin he ruahmanna thatak hi a la hrelo te pawh an kawtkaiah anmahni tawng ngei a hrilhfiah tur a he hun hi buatsaih a nih thu a sawi a ni.

 He hun  hman naah hian Line Department hrang hrang Agriculture in Pradhan Mantri Kisan Maandhan Yojana(PM-KMY) leh Pradhan Mantri Kisan Samman Nidhi Yojana ((PM-KSNY), Lead Bank in Pradhan Mantri Jeeevan Jyoti Bima Yojana, Atal Pension Yojana leh Pradhan Mantri Suraksha Biman Yojana,Health & Family Welfare in Ayushman Bharat hnuaia hamthatna hrang hrang PM Jan Arogya Yojana (Health Insurance), PM Bharatiya Janaushadhi Pariyojana  bakah ,Indian Oil Corporation( Gas agent) in Pradhan Mantri Ujjwala Yojana leh Nehru Yuva Kendra (NYK)  lam atang in mipui tana India Sorkar in hamthatna a siam te hrilhfiah a ni a, Health Department in a thlawna in entirna an buatsaih nghal bawk a ni.

Heng hun hman naah hian central sorkar hnathawh hrang hrang te tarlan a ni a, beneficiary hlawhtling ten an hlawhtlin dan leh hlawkpui dan te an sawi. He hunah hian PM Modi thusawi te ngaihthlak a ni.

VBSY hi khaw hrang hrangah hman chhunzawm zel tura ruahhman a ni.