3123/2023-2024

Aizawl, the 19th December, 2023: Tourism Minister Pi Lalrinpuii chu vawiin chawhnu dar 1:00 khan Pu Vanlalvawna, Joint Secretary, Ministry of External Affairs, Govt. of India chuan a Pisa-ah hmuin lawmpuina a hlan a, he hunah hian Tourism Department hotute nen Mizoramin Tourism industry-ah hma engtak a neihte leh hmalak tulte sawi ho a ni.

Meeting-ah hian Mizoramin Tourism-ah hma eng tak a neihte, kawng hrang hranga hmasawnna awm theite, Eco-Tourism-a hmasawnna turte, Five Star Hotel Mizoramin a mamawh dante,  International Exposure neih theih dan tur leh  India ram chhung mai ni lo ram pawn thlenga thawhpui tur zawn kawnga hmalak tulte sawi ho a ni a. Tourism Industry chawisan leh tihhmasawn kawnga T -3 (Tourism, Technology leh Transportation) pawimawhnate pawh sawi ho a ni bawk.

He hunah hian Tourism Secretary Dr. Lalrozama, Jt. Secretary Pu V. Lalengmawia leh Tourism Department hotu dangte an tel a ni.