February 2, 2012 (ningani) khan Pu R. Lalzirliana, Home & RD Minister; Pu Lalrinmawia Ralte, Parliamentary Secretary leh Mizoram District hrang hrang atanga thlan chhuah mi 14 ten Vigyan Bhavan, New Delhi ah MNREGA Sammelan an zu hmang. Sammelan hi Prime Minister Dr. Manmohan Singh; Pi Sonia Gandhi; Union RD Minister leh Minister of State pahnih ten an hmanpui a ni.

Vawiin February 3, 2012 (zirtawpni) hian Home Minister Pu R. Lalzirliana chuan Union Home Secretary leh Jt. Secretary, (North East) te a hmu a. Sakhan Mizote chhawmdawlna pek dan tur chungchang te, Bru Refugee te lak let chungchang leh Police Department leh Home Department a harsatna awm mek thil tam tak a sawipui a ni. Pu Zira hi Parliamentary Secretary (Home) Pu Lalrinmawia Ralte leh Pu David H. Lalthangliana, OSD/Under Secretary, Home Department ten an tawiawm a ni.