4393/2024-2025

Aizawl, the 22nd January 2025: Vawiin khan Home  Minister Pu K.Sapdanga chuan a Department, UD&PA hnuaia  hna thawh te hmun 8-ah a endik.

UD &PA hnuai hmasawnna ruhrel hrang hrang thawh mek te hi a viltu Engineer, official te leh mi pawimawh dang te nena thawk chhuakin uluk takin a sak hna kalpui dan te an thlirhoa. Heng hnathawh mek te hi a tha tlang viau a, tha taka chhunzawm tura chahin hnathawktute chungah lawmthu a sawi.

Hna thenkhat,  tan lak ngai deuh thawktu contractor te pawh rin tlak leh tang zawka hna chhunzawm turin a chah bawk a ni.

Vawiin a project hrang hrang a tlawh te hi:

1. Zodin Multi Level Parking cum Utility Centre.

2. Reconstruction of Sanitation Site Office, Tuikual 

3. Aizawl Convention Centre (phase I & II), MINECO

4. Multi Utility cum Community Centre, Tuikual North

5. Extension of Sports Centre, Chawnpui

6. Multipurpose Hall, Chawnpui 

7. Multipurpose Community Hall, Zonuam

8. Multipurpose Parking cum Vegetable/Meat Market, Chaltlang.

te an ni.

Heng hna te zingah hian kum 2018 atanga thawh tan tawh Zodin Multi Level Parking cum Utility Centre chu mipuiin an nghahhlelh tawh thu a sawi bakah contractor te pawh tang lehzuala thawk turin a hrilh.

He projectah hian Smart Transformer installation leh Robotic Parking chu testing and commissioning hmabak a ni a. Hei hi a rang thei anga thawk turin Department lam official te leh contractor te chu a hriattir bawk a ni.