Home Minister Pu Lalchamliana chuan vawiin khan Mizoram leh Assam inri na a Zophai Border Outpost a tlawh.

Home Minister hi zophai BOP a an hotute nen inkawm in helai hmuna harsatna hrang hrang an tawh barrack tura sak luah that ngamloh te, power supply a harsatna te, tui lakna connection pipe, motor mamawh thu te bakah duty tower an mamawh chungchang te an sawiho a, he huna tel DIG (NR) leh 1st Bn IR Commandant te nen hmalak dan tur an sawiho a ni.

 Hemi bakah hian thla hmasa a zophai hmuna mosolman mosque Bomb chhiat te a tlawh a, helai mosque hruaitute nen inkawmin, vanduaina an tawh chu pawi a tih pui thu a sawi a, harsatna an tawh in tharum thawh zawng ni lovin thuneitu te hnenah thlen thin se tawngka a sawi fel dan zawn zel chu tha a tih thu a tarlang bawk a, Home Minister hian zophai hmuna Mizoram Chief Minister hmasa ber Pu Ch Chhunga leilet a tlawh bawk a ni.

Home Minister hi FCS&CA Minister Pu K Lalrinliana, Pu Lalbiakthanga IPS, DIG(NR), Kolasib Bawrhsap Pu Zoengsanga, 1st Bn IR Commandant Pu J.Lalthafamkima, Kolasib SP Pu Vanlalfaka Ralte leh Sawrkar Official hrang hrang bakah Kolasib chanchinbu mi ten an tawiawm a ni.