Tukin zing khan Bazar veng chhung thianfaiin hnatlang neih a ni. Vengchhung tlawmngai pawl hrang hrang, Khawtlang hruaitute bakah Joint VC, UD& PA Staff leh LENS Mamit ten an telpui bawk.

Pu J. Hrangdailova,Joint V/C Chairman chuan Mamit mipuite'n faina kawngah Sawrkar hmalakna an thlawp tlat chu lawmawm a tih thu a sawi a.

Children Sanitation Club Bazar veng te'n hma an lakna chu fakawm hle a ni tiin Naupang dangte pawhin entawn zel se a duhthu a sawi a, hnatlangte ei leh in tur hi a tumsak bawk a ni.

Pi Laltharzeli, Ambassodor, PHED, Mamit/ President MHIP Bazar Veng chuan Bazar veng  All NGO leh VC te tanrualna leh thlawpna avangin an vengchhung faina kawnga hmala tura din Children Sanitation Club pawhin chak taka hma alak thin thu a sawi a, Mamit District chhung khaw 70 chuangah UD& PA leh PHED Mamit te hmalakna-in Children Sanitation Club chu din a nih tawh thu a sawi bawk.

Tukin hnatlangah hian Bazar vengchhunga Children Sanitation Club, UD&PA Staff, LENS Mamit, Bazar veng All NGO atangin mi 40 vel an thawkchhuak a ni.