Home Minister Pu Lalchamliana chuan vawiin khan Vairengte Sub-Hqrs MZP in a buatsaih zirlai titha chawimawina hun  a hmanpui.

Khuallian chuan eng kawng pawh zawh dawn ila D pathum Determination (tum ruhna), Devotion (in pekna) leh Discipline (mahni inthunun) chu vawn tlat a pawimawh ani tiin thangtharte chu chhungkua, khawtlnag, Ram leh Hnam tana mi chhenfakawm leh mi hmantlak ni turin tum nghet tak nei chunga zirlai kawng zawh turin a chah a. He huna 1st Division leh Distinction a HSLC leh HSSLC a pass te chu a lawmpui thu sawiin chutih rualin tun tuma la hlawhtling ve lo te chu hnual mai lovin tumruhna leh taimakna thar nen zir chhunzawm zel se a duh thu a sawi a, tun tuma zirlai titha te chuan tun levela an hlawhtlinna chu duhtawk mai lovin an lehkha zir chu dinchhuahpui tlak khawpa a tawp hlenchhuah that a pawimawh a ni a ti. Mi Puitling an nih a hna an thawh hun ah pawh Rinawm taka thawk tura chahin mahni thawhchhuah nilo chu it lova hlemhletna leh help rukna na laka fihlim tlat turin zirlai kalkhawm te chu a fuih a ni.

Home Minister chuan Vairengte chu ramri a awm a ni a, mipuiten harsatna te pawh an tawh thin ngei a rin thu sawiin heng hun ah te hian Mizo nunze chhawn nung reng tura chah in, Remna leh muanna a awm zel theihnan thawhhopui ah a sawm bawk a ni.

He hunah hian tun zirlai kum (academic year) liam ta a HSLC leh HSSLC exam na a 1st Division leh Distinction a pass zirlai 50 bakah Engineering line a graduate thar pakhat chawimawi an ni.