No.1710/2020-2021

Vawiin Ni 5.06.2020 (Friday) khan Pu Lalchamliana, Home Minister chuan a bial Hrangturzo Assembly Constituency chhunga zirlai, tunhnaia HSLC, 2020 result tihchhuah taka titha te leh school result nei thate lawmpuiin pawisa fai leh thuziak a hlan. COVID-19 vanga zin veivah a remchan loh avangin heng lawmpuina te hi a Pisa atangin a dawngtu turte hnenah a thawn a ni.

Pu Chama chuan a bial chhunga zirlai hlawhtlinna changte chu thinlung taka a lawmpui thu leh hmabak eng tak nei tura a duhsak thu a sawi. Zirna kawnga hlawhtling tur chuan taihmakna leh inpekna a pawimawh a, chutiang mite chuan an thawhrim avangin result tha tak piah lamah hringnun hlawhtlinna chahbi an kawl nge nge thin a ti.

A bial chhunga Zirna In titha tak takte chu Zirtirtute inpekna rahchhuah a ni a ti a, Zirtirtu-in hmangaihna, dawhtheihna leh thawhrimna nen naupang a enkawl chuan zirlai naupangten a zar an zo thin a ti bawk. Zirtirtute chu hna zahawm leh pawimawh tak thawktu an ni tih chu a hmuh dan a nih thin thu sawiin, “chawimawi tlak zirtirtu hna thawkte hian hnam rohlu an chherchhuak a, ramin a rah a tel thin” a ti bawk.

Home Minister chuan, hnam dangte elpha khawp leh ram tana chhawrnahawm ni thei turin a bial chhunga zirlaite zawng zawngte a sawm nghal bawk.

Zirlai titha te hnenah hian pawisa Rs 5000/- leh thuziak a pe a. School result nei thate hnenah Rs 5000/- leh thuziak a pe bawk. Hetiang hian lawmman sem a ni.

ZIRLAI TI THA TE:
1. Lalremruatdika - Presbyterian English School, East Lungdar (L in SS, Mz) Distinction.
2. V. Hmingthansanga - Presbyterian English School, East Lungdar (L in SS, Mz) Distinction.
3. Lalduhawmi - Hrangturzo High School, N. Vanlaiphai (L in SS, Mz) Distinction.
4. Vanrambeiseii - Hrangturzo High School, N. Vanlaiphai (L in E, M, Sc, SS, Mz) Distinction.
5. Vanlalthansanga - Hrangturzo High School, N. Vanlaiphai (L in M, Sc, SS, Mz) Distinction
6. PC. Vanlalzawni - Govt. Bungtlang High School (L in M, Sc, SS, Mz) Distinction.
7. Rosangzuali - Govt. Bungtlang High school (L in E, SS, Mz) Distinction.

ZIRNA IN TI THA TE:
1. Presbyterian English School, East Lungdar
Candidate - 11, Passed - 11,
a) Letter - 4
b) Distinction - 2
c) First Division - 6
d) Second Division - 2
e) Third Division - 1.

2. Govt. Bungtlang High School
Candidate - 30, Passed - 20,
a) Letter - 4
b)Distinction - 2
c) First - 5
d) Second - 11
e) Third - 2.

3. Hrangturzo High School, N. Vanlaiphai
Candidate - 27, Passed - 21,
a) Letter - 7
b) Distinction - 3
c) First - 6
d) Second - 6
e) Third - 6