72/2024-2025 

Champhai, the 5th April, 2024: General Election to Lok Sabha, 2024 atana Champhai District chhunga Postal Ballot hmanga vote thlak dil Senior Citizen leh Person with Disability (PwD) te chu April ni 12 leh 13, 2024 ah anmahni chenna inah vote thlaktir tura ruahmanna siam a nih thu Pu James Lalrinchhana, Asst. Returning Officer & District Election Officer, Champhai District chuan vawiin khan a chhuah.

Thuchhuah chuan hemi atan hian Mobile Polling Team-te chu zing dar 7:00 ah DC Office, Keifangtlang atanga an chhuah dawn thu leh hemi ni a rokhawlhna engemaw avanga mahni ina awm thei lote tan April ni 15, 2024 ruat a nih thu a tarlang a. Vote thlak lai hriatpui tur hian Candidate te'n an aiawh an tirh theih thu leh Booth pakhatah aiawh pakhat zel tirh phalsak an nih thu a tarlang bawk.