73/2024-2025
Champhai, the 5th April, 2024: General Election to Lok Sabha, 2024 atana duty tura ruat, Election Duty Certificate (EDC) hmanga vote thlak dilte tan EDC lam theih hun hriattirna District Election Officer, Champhai District Pu James Lalrinchhana chuan vawiin khan a chhuah.
Thuchhuahin a tarlan dan chuan Polling personnel-te tan Training Centre-ah April ni 8 leh ni 9, 2024 ah EDC a lam theih dawn a. Polling personnel ni lo election duty official dang, Sawrkar hnathawk leh thawk lo election duty atana ruat dang zawng zawngte leh Driver-te tan Establishment Branch, DC Office Keifangtlangah April ni 6, 2024 (11:00 am - 4:00 pm); April ni 8 leh ni 9, 2024 (3:00 pm - 5:00 pm) leh April ni 10, 2024 (10:00 am - 5:00 pm) ahte EDC a lam theih dawn a. Mahni hun chan theuhah hun tiam chhunga lak chhuah tur a ni ang.
