Health Department hnuaia AYUSH buatsaihin Civil Hospital Auditorium-ah ‘Free Homoeopathic Clinic’ neih a ni a. Kolkata atanga homoeopathy lama mithiam rawn kal Dr P N Banerjee, Dr Pratim Banerjee leh Dr Ashish Nyogi te chuan he ni 3 chhung awh free clinic neihah damlo mi 1500 aia tam enin a thlawn vekin damdawi pawh an sem a ni.
Nimin khan AYUSH doctor te leh sorkar doctor te tan Workshop/ Seminar on AYUSH chu State Guest House Conference Hall-ah neih a ni a, Mizoram Governor Lt Gen (Rtd) M M Lakhera, PVSM, AVSM, VSM chu Khuallian niin Health Minister Pu Lalrinliana Sailo chu Khual zahawm a ni. Dr Pratim Banerjee chuan he Seminar thupui ‘Homoeopathic treatment, Medication & Standardisation with Modern Scientific Technology’ chungchang zirtirna a pe a ni.
Khuallian Larsap chuan Seminar hawnna thu sawiin Mizoramah a tum khatna atana homoeopathic clinic leh seminar buatsaih a ni thei chu hun chhinchhiah lak a ni, a ti. Damlo enkawlna lamah medicine system hrang hrang te chu in mil loh leh in hal tlat emaw tih chu ram mipui zingah ngaihdan dik lo tak awm chu paihthlak a hun tawh a ni, a ti bawk. Tunlai damdawi hman ang a awm hmain hnim leh thlaite hmangin damlo enkawl a nih thin thu sawiin heng hnim leh thlai atanga damdawi siam te hi mihring tan side-effect a nei lo fo zawk thu a tarlang a. Damlote chu a rang thei ang ber, a tha thei ang ber leh a tlawm thei ang bera enkawlna phuhruk sak chu doctor te mawhphurna a ni a, chuvangin homoeopathy leh allopathy doctor te chu inrawn tawna damlote damna tur a nih phawt chuan a eng zawk pawh chawh ngam mai tur leh Homoeopathy chungchang uluk leh chiang zawka zirna buatsaih a hun tawh hle a ni tih Larsap chuan a sawi bawk.
Khual zahawm Minister Pu Lalrinliana Sailo pawhin thusawiin National Institute of Homoeopathy, Kolkota atangin Mizo AYUSH doctor 15 lai an zirchhuah tawh thu leh Mizoramah AYUSH chuan hriat a hlawh tan tawh hle tih a sawilang a. Mizoram sorkar pawhin AYUSH chu mipuite hriathlawh leh zau zawka an chhawr theih nan hmalak a tum thu a sawi bawk.
Khuallian Larsap chuan Seminar hawnna thu sawiin Mizoramah a tum khatna atana homoeopathic clinic leh seminar buatsaih a ni thei chu hun chhinchhiah lak a ni, a ti. Damlo enkawlna lamah medicine system hrang hrang te chu in mil loh leh in hal tlat emaw tih chu ram mipui zingah ngaihdan dik lo tak awm chu paihthlak a hun tawh a ni, a ti bawk. Tunlai damdawi hman ang a awm hmain hnim leh thlaite hmangin damlo enkawl a nih thin thu sawiin heng hnim leh thlai atanga damdawi siam te hi mihring tan side-effect a nei lo fo zawk thu a tarlang a. Damlote chu a rang thei ang ber, a tha thei ang ber leh a tlawm thei ang bera enkawlna phuhruk sak chu doctor te mawhphurna a ni a, chuvangin homoeopathy leh allopathy doctor te chu inrawn tawna damlote damna tur a nih phawt chuan a eng zawk pawh chawh ngam mai tur leh Homoeopathy chungchang uluk leh chiang zawka zirna buatsaih a hun tawh hle a ni tih Larsap chuan a sawi bawk.
Khual zahawm Minister Pu Lalrinliana Sailo pawhin thusawiin National Institute of Homoeopathy, Kolkota atangin Mizo AYUSH doctor 15 lai an zirchhuah tawh thu leh Mizoramah AYUSH chuan hriat a hlawh tan tawh hle tih a sawilang a. Mizoram sorkar pawhin AYUSH chu mipuite hriathlawh leh zau zawka an chhawr theih nan hmalak a tum thu a sawi bawk.
