1908/2025-2026

AIZAWL; the 14^th October, 2025: Vawiin khan Secretariat Conference Hall, MINECO-ah Hon’ble Home Minister Pu K.Sapdanga kaihruaina hnuaiah “The Mizoram Regulation of Fireworks Bill,2025”  bihchianna hun neih a ni a. Vawiin meeting-ah hian Chief Secretary Pu Khilli Ram Meena leh DGP Pu Sharad Agarwal te bakah Home, Law & Judicial,  EF&CC, GAD, H&FW , MPCB, Fire& Emergency, I&PR  department-a high official te, Aizawl DC, AMC Commissioner Aizawl SP, SP Traffic te leh  CYMA, Aizawl City Local Council Association, Mizoram Merchant Association(MIMA) hruaitute  an tel a ni.

‘The Mizoram Regulation of Fireworks Bill,2025’ drafting committee hi Pu Vanlalmawia Renthlei, Secretary, Home Department  hova din niin, vawiin meeting-ah hian  draft bill chu uluk taka bihchianga, zirchiang turin an pharh ta a ni. Vawiin meeting-a member kalkhawm ten uluk taka an bihchian hnu-ah leh huangzau taka sawiho a ni hnuah a thuphungin committee chuan Bill hi tha a ti a. Law & Judicial department te lo chulmam turin meeting chuan a rel ta a ni.