No.7292/2020-2021 

Vawiin chawhma dar 11:00AM khan Health Minister Dr.R.Lalthangliana'n, khum 100 awmna, Cheng nuai Rs.1592.52/- senga sak District Hospital Siaha building thar chu a hawng.

Hospital Building thar hawnna inkhawmah hian thu sawiin, Health Minister Dr.R.Lalthangliana chuan kum tam tak Siaha District mipui te nghahfak ber pakhat District Hospital building thar hawn theiha a awm chu Siaha mipui te a lawmpui tak zet thu sawiin, District Hospital building thar hi Mizoram district hospital te zingah pawh a tha ber a ni hial mai awm e, a ti. Pu Thangte chuan Bialtu MLA leh Minister ni bawk Dr.K.Beichhua hian Hospital hi a vei em em a, a tira Plan & Estimate a telh hmaih Floor tile te pawh a hmalakna avanga hlawhtling a ni. A kawtah MLA Fund atanga Fountain leh pangpar huan a siam atang pawh hian Hospital hi a veizia a lang a ni tiin, Pu Thangtea chuan he Hospital Building thar hian Siaha district mipui te taksa lam damna malsawmna a thlen ngei che u ka ring a, chumi atan chuan duhsakna ka hlan nghal bawk che u a ni, a ti. Sawizelin Pu Thangte chuan Covid-19 hrileng avangin Khawvel ram changkang zawkah pawh namen lova tam mi an thi a. India ram leh Mizoram state pawh kan bang bik lo. Heti a nih mek lai hian Covid-19 dona kawnga thawk tha ber (Best Performing State) kan ni a. India rama Airport khar hmasa ber kan ni a, ramri Inter state-ah leh Ramdang nena Inrinna pawh a khar hmasa ber pawl kan ni. Central sawrkar in lockdown a puan hmain lockdown hi kan lo puang tawh a ni. India ram state te zinga mitthi tlemna ber state kan ni a, kan thenawm NE state te kan en chuan Assam-ah chuan Mi 1077, Tripura--388,Manipur---367 etc chutiang zelin, state te ber Sikkim-ah pawh mi 131 an thi a ni. Mizoramah chuan mi 9 chiahin nunna kan la inhloh a ni, heng vanduaina tawk ta te pawh hi natna dang lo vei sa te an ni. Tunah hian Covid-19 positive awmlohna District 4 a awm mek a, Siaha pawh hun rei tak Covid-19 free district ni thin kha, nimin lawka pakhat in han nei ve leh a ni a, hei pawh hi dam tha taka a chhuah leh ka beisei tlat a ni, a ti. Pu Thangte chuan Khawvel ram changkang USA te pawh tlawm duai duai theih Covid-19 hi kan thiamna te , kan medical facilities leh infrastructure te thlir chuan lo do ve theih tur chi kan ni lo. Mahse India ramah Covid-19 laka him ber state kan ni lawi si!! Hei hi thildang ni thei in ka hre lo, ka lo hmuh ve dan chuan kan phak tawk leh tlin tawkah mimal, pawl, kohhran, sawrkar leh mipui mimir ten theihtawp chhuaha lungrual taka kan beihna hi Lalpa in malsawm tlakah a ngai niin ka hria, a ti. Covid-19 laka kan himna tura theihtawpa hma kan lo lak ve leh Pathian kan auh na hi Pathian in hriain, min chhang a ni, a ti bawk.

Health Minister chuan District Medical Department te zingah inelna pakhat rawt chhuakin, District Hospital-a in admit leh thi ratio laka, khawi district in nge Hospital a thi nei tlem ber tih in el turin a sawm hlawm bawk.

Vawiin programme a khualzahawm Dr.K.Beichhua, Social welfare Minister pawhin thu sawiin, kum 15 tha(1992-2008) he Hospital-ah hian ka lo thawk tawh a, a dinhmun hrechiang bertu ka ni, Kum 20 chuang kal ta atanga tlumte thlir a kan lo thlir thin chu, a takin a lo thleng ta a ni a, vawiinah hian lawm avangin ka hnuk a ulh a ni. Pu Pawchhua chuan Doctor hna bansan a, Politic a ka luhna chhan zingah District Hospital Siaha hi a tel ve a ni, tiin Aizawl ka thlen hunah Health Minister zahawm tak hnenah hian Building tharin a mamawh thil tam tak ka la dil dawn a ni, a ti bawk.

Er.Lalsangliana Chhakchhuak, SE,PWD chuan Tenchical report pein, Construction of 100-Bedded Civil Hospital at Siaha hi NLCPR atanga fund Rs.1592.52 lakh hmu a ni a. Work Component te chu: 1) Hospital

2) Type-IV Qaurters

3)Administrative Building te an ni.

Contractor hi Pu F.Sangkunga,Venghlui Aizawl a ni a. Ni 16.03.2015 khan sak tan niin, ni 06.12.2018 khan sak zawh a ni. Floor 4 : Basement--110.80Sqm, Ground Floor---921.

.90Sqm,1st Floor---1097.90Sqm leh 2nd Floor---1106.90Sqm te an ni.

Buliding tharah hian Passenger-cum-Stretcher lift(20 person capacity),Solar Water Heater( 6000lire per day),Solar SPV Power Plant(1×40Kwp capacity),AC 4 nos--2tons each, Smoke/Heat Detector 51 nos.

Special Guest Dr.ZR.Thiamsanga,MLA leh Vice Chairman, H&FW Board ni bawk chuan thusawina hun hmangin, vawiin District Hospital Siaha a han hmu zet chu a bial Champhaia awm ve a tan a awt thu sawiin, Siaha district an lo luh atanga an Roadside thingphun te in a rilru a dek dan sawiin, ka bial tan tihtur Home work tam tak min pe a ni, a ti.Bialtu MLA nen kum tam tak lo inhre tawh leh thian an nih thu sawiin, Dr.K.Beichhua in Siaha district tan hma a lak nasat dan hriatpuitu a nih a vangin, Modern Father of Maraland tih hming a phuahsak bawk.

Vawiin programme-ah hian Pu H.Lalengmawia, IAS,Commissioner & Secretary,H&FW Dept, chuan Khuallian,Khualzahawm,Sawmbik te leh Hospital Building thar hawnna chhimtu zawng zawng lo chawnglawmna thu(welcome Speech)a sawi a. Rev.P.Riabi, Chaplain,District Hospitalin hunserh a hmang thung a.

Dr.T.Lalhmangaihi,Director,DHME in lawmthu sawina in vawiin District Hospital Building thar hawnna inkhawm hi a khar ta a ni.

Attachment

  • Loading attachment...