Vawiin khan Kisama Village, Kohima, Nagaland-ah Hornbill Festival 2018 ni 6-na hman a ni a. He hunah hian Mizoram Governor Kummanam Rajasekharan chu  Khuallian a ni. 2000 Kum atang khan  Hornbill Festival hi kumtin, a hmun ngaiah hian December  ni  1 atanga ni 10 thleng  hman thin a ni.

Mizoram Governor Kummanam Rajasekharan  chuan Hornbill Festival 2018 ni 6-na chawhma hun a hawnnaah India ram chhunga Festival a chhim chak zinga mi, kumin chhungin a chhim thei ta chu lawmawm a tih thu a sawi a. Naga mipuite leh Nagaland Governor te hnenah lawmpuina hlanin Hornbill Festival  2018 chu a ni tawp ber, December ni 10 thlenga hlim taka hmang chhunzawm turin duhsakna a hlan nghal bawk a ni. " Hnam Lam, Hnam  Infiamna leh Mahni Hnambila kan neih kan thu leh hlate hi hmundanga kan Hnam thil phochhuaktu tha ber ber te an ni", tiin Hornbill chu tangkai taka hman a ni tih a sawi a. Mizoram Governor chuan Hornbill Festival chu Nagaland chhung atan mai ni lo, Hmarchhak bial chhunga  Kut hlawhtling, hriathlawh tak leh mi chi hrang hrang te hip tu a ni tawh a. Horbill Festival hlawhtlinnaah hian entawn tur tam tak a awm thei a ni a ti.

Kumin Hornbill-ah hian December 5 thleng khan Rampawn lam Khualzin 2000 chuang zet, India ramchhung hmun dang atanga tlawhtu  15,325 leh  Tualchhung mi 80,000 bawr velin  an tlawh tawh a ni.  Vawiin Hornbill Festival ni 6-na chawhma programme-ah hian   Kut thlengtupa chu  Pu. P.Paiwang Konyak, Minister for Transport, Civil Aviation & Railways, Land Resources a ni a. Khual Pawimawh atan Major Gen VK Mishra, GoC, HQ 57, Mountain Division chu hman a ni. Ni 1 atanga ni 10 thleng hian   Programme huapzo tak leh  hlung taka siam khah vek a ni.