Vawiin khan Lunglei Division Horticulture Office buatsaihin Centre of Excellence for Fruits Lunglei hmun atanga Tomato thar chhuahte hralh chhuahna hun hman a ni. 

He hunah hian Lunglei DHO Pu L. Lalhmingmawia Pachuau chuan thu sawiin CoE atanga Tomato thar chhuahte hi Organic dik tak leh thlai natnain a bawm loh an ni a. Mihring tan a hrisel bik hle a ni a ti a, heng Tomato-te hi Indo-American hybrid chi tha mi an nih avangin a chhe har bik a, a chite hi kuthnathawktute hnenah a tul anga chin pun turin sem chhuah zel a ni bawk ang a ti. 

Vawiina zawrh chhuah tak Tomato te hi CoE hmuna Farmer Training ten an chin a ni a, tunah hian Quintal 35 seng tawh niin, cheng Nuai 2, sing 8, sang 4 man hu a ni tawh a,  seng chhunzawm tur engemaw zat a la awm bawk a ni. Lungleiah Tomato rate kg ah 80 a nih laiin CoE atanga thar chhuahte hi a hmunah Kg khat cheng 60 zela pechhuakin Bazarah Cheng 70 in zuar dawn a, Tomato hralhna mante hi a enkawltu CoE a training lai ten an pumbilh vek dawn bawk a ni.  

CoE Tomato zawrh chhuahna hun ah hian Lunglei MJA President Pu H. Lalthansanga leh a thawhpui ten an telpui a ni.