Vawiin khan Kolasib DC Conference Hall ah Kolasib Bawrhsap thar Pu Zoengsanga leh Kolasib khawpui chhunga Sawrkar Department hrang hrang hotute an thukhawm.

Bawrhsap chuan “mipui rawngbawl turin Sawrkar in min chhawr a, min dawr tute lakah hawihhawmna kan lantir a ngai a ni” tiin Rinawm taka hnathawh a pawimawh a, Office kal leh ban hun te zawm tha in, Mipuite tana malsawmna thlentu kan nih theihnan Office hna chauh nilo mahni hma zawn theuh ah hmasawnna kawng hrang hrang dap thin turin ngaituahna sen peih a pawimawh thu a sawi bawk. Kolasib chu Mizorama Model District/ District thawk tha ber nih tum tur a ni tiin Department zawng zawng huapin Quarterly meeting neih a nih thin tur thu a tarlang a, he hunah hian Department ten an hmalakna te report an pe thin dawn a ni. Hemi bakah hian Financial year 2018-19 chhunga Department hrang hrang hmalakna te chu April chawhma lamah report thehlut vek turin a hriattir bawk.

Pu Zoengsanga chuan Kolasib District chu Mizoram kawtchhuah Border area a awm a nih angin enge maw thil thleng thut thei ani renga, in koh thut chang te pawh a tam dawn a, hemi avang hian weekend ah pawh District Administration atanga phalna la hmasa lo chuan tumah haw loh tur ani a ti. He hunah hian Kolasib ina Zoram Hmeichhe khawmpui lian an thlen tur chungchanga Sawrkar Department hrang hrang ten an mawhphurna leh hmalakna chungchang pawh sawiho a ni a, Bawrhsap chuan Department hrang hrangte chu theihtawp chhuah a thawhhopui ah a sawm a ni.