Nimin khan Tawipui South Community Hall ah Horticulture Department hnuaia NLUP Serthlum leh Pineapple chingtu mi 107 te hnenah 2nd Phase, 1st Installment chu hlan niin he hun hi Pu S.Laldingliana, Parliamentary Secretary leh Pu Joseph Lalhimpuia Vice Chairman HPC ten an hmanpui.
He huna thusawitu Pu S.Laldingliana chuan NLUP dawngtu te fuihna thu sawiin "NLUP kan dawn rual hian mawhphurhna sang tak kan kovah nghahin a awm a, taimakna nena ti hlawhtlingtu nih hi kan bat a ni, chuvangin sawrkar programme NLUP dawngtute hian rinawm takin NLUP hi dinchhuahpui i tum theuh ang u" a ti a. HPC Vice Chairman Pu Joseph Lalhimpuia pawhin thusawina hun neiin “sawkar min tanpuina hi rul let turin theihtawp i chhuah tlang ang u" a ti bawk a ni.
He NLUP 2nd Phase, 1st Installment semna hunah hian Pu L. Lalhmingmawia Pachuau, Divisional Horticulture Officer chuan Serthlum leh Lakhuihthei chingtute hnenah a chindan leh kawnghmang zirtirna hun a pe a, Pu R. Lianzuala, Horticulture Demonstrator i/c NLUP leh Pu S.T. Rohluzuala, VCP Tawipui South ten lawmthu sawina hun an hmang bawk a ni.
