Environment & Forest Minister Pu H. Rohluna chuan Ngopa khua kum 80 tlin lawmna Ngopa Hawrunpui 16 – 18 January, 2013 chhunga neih hmanpuiin ni 17.1.2013 zingkar khan Ngopa Hawrunpui hriatrengna lungphun Monument & Watch Tower chu a hawng a, he monument hi 50 ft a sang niin Rs. 13,58,469 senga sak a ni.
Ni 17.1.2013 chawhma dar 11 ah Ngopa playground a chhung inkhawm neihna ah Minister hi tel zawmin Ngopa khaw Lal leh khawtlang leh Kohhran hruaitu hmasa ten khaw mipuite hmasawnna tura fing tak leh remhre taka kawng hrang hranga hma an lo lakna te avangin an chungah lawmthu a sawi a. Tunlai khawvela ruihhlo leh natna hri tha lo in Mizoram kil tin a fan mek lai hian thalaite chu invawng thianghlima fimkhur taka nunkawng zawh turin a fuih bawk. Mipuite hmasawnna tura sorkar hmalakna thenkhatte tarlangin Food Civil Supply & Consumer Affairs Minister nibawk chuan chhungtin mamawh Ngopa ah gas agent dah a nih tak thu te, lo neimite mamawh phuhruk nan tui pek dan ruahman mek anih thu te, India hmarchhaka rotling nipha tur Tennis Academy changtlung tak din tura hmalak mek anih thute bialtu Minister chuan a sawi a, tennis khel thiam tam tak lo chawrchhuahna Ngopa Tennis Player ten an mamawh em em tennis racket hrui kaihna khawl leina tur sum ruahman fel anih thu a puang bawk. In kang avanga nunna chan an awm leh nual ta chu pawitiinForestMinister chuan kangmei venna kawnga tanla thar theuhturinmipuite chu a chah bawk a ni.
Tukin 18.1.2013 zingkar khan Minister Pu H. Rohluna chuan BDO Office Complex, Ngopa a Rs. 23,15,000 senga sak thar BNRGSK building chu a hawng a. Mipui rawngbawl nana in tha tak sak a ni chu lawmawm tiin tangkai taka hman a nih a beisei thu a tarlang.
BDO Pu Rolungmuana kaihhruai building hawnna inkawmah Minister chuan thusawiin sum tam tak senga thil mumal lo taka tih ai chuan kan neih chhun chhun dik leh tha taka hman hi a chhawrnahawm zawk a ni a ti. Thingtlang miharsate tana NREGA (Ni 100 inhlawhna) chu mamawh phuhruk belhna chauh anih hria a thlawhhma la thei apiang ten thlawhhma laka taimak chhuah zel a tul a ni a ti bawk.
Tanpuina sum dawng mahila ngaihtuahna thinlung a dik si loh chuan awm zia a nei lo tiin Pu H. Rohluna chuan mipui chawikannan leh ram hmasawnna tura sorkar hmalakna hrang hrangte hlawhtlinna chu mipuite mawh a nih thu a tarlang bawk.
