Halflong YMA in an kum sawmhnih tlin lawmna hun vawina District Library Auditorium, Halflong, NC Hills, Assam a an neih chu Pu Lal Thanzara, Parliamentary Secretary to Chief Minister chuan khuallin niin a hmanpui. 

Pu Lal Thanzara chuan Politics leh Kohhran in a daidan ve lohna pawl awmchhun chu YMA hi a ni tiin hmun dang reng rengin an neih ve loh a nih avangin vawng nung zelturinYMA member kalkawmte chu a chah a.  Chhiatni leh thatni a min phuarkhawmtu ber chu YMA a ni tiin Parliamentary Secretary chuan Sawrkar Flagship programme NLUP bul tan atanga tun thlenga YMA in a phurpui leh a tawiawm that avangin lawmthu a sawi a ni.

Tuihna humhalh, ramkang venhim leh thingphun chungchangah YMA hi sawrkar tanpuitu pawimawh tak anih thusawiin Hnam humhalh leh chibing pawl awm lohna tura hma la tu YMAkannei hi a vanneihthlak hle a ni a ti bawk. Ruitheih thil, zu, zuk leh hmuam ah YMA member-tekanfihlim a pawimawh a, Zonun Zemawi hikanchhawm nun zel hi a tul hle a ni a ti.

He hunah hian Pu Lal Thanzara hian No dorzon nga (5), Ketli, Silpauline, Tarpauline leh Football te chu YMA hruaitute a hlan a. Khualzahawm nia he hun hmanpuitu Pu R. Lalngheta CYMA Treasurer pawhin fuihna thu tha tak a sawi a ni.

 Haflong Branch YMA hi kum 1987 ah din tan niin kumin hi Silver Jubilee a thlen kum a ni a, Member 351 an nei mek a ni. C.Sanga leh HC Sanglura ten kalkhawm te zaiin an awi a, Zorun Cultural Club Chandmari Aizawl leh Haflong Branch YMA ten Hnamlam chi hrang hrang an entir bawk a ni. Silver Jubilee hi Ruai nen ropui takin lawm a ni.