Vawiin chhun dar 12:30 khan Diakkawn YMA Hall-ah Horticulture Department chuan Kuva, Serthlum leh Lakhuihthei trade thlangtu mi 181 te hnenah NLUP 2nd phase an sem. He hun hmanpuitu Pu Jitender Yadav, D.C. Kolasib chuan NLUP dawngtute hnenah fuihna thu sawiin, an tanpuina dawn chu sawrkarin a beisei ang ngeia dik tak leh tha taka hmang turin a chah a. An tu leh fate thlenga eizawnna ngelnghet an neih ngei theih na tura hmang turin a chah a ni.

He NLUP semna inkhawmah hian kuhva trade thlangtute hnenah leitha leh huan enkawl nan Rs. 9,000/- theuh sem a ni a. Serthlum trade thlangtute hnenah Rs. 9,000/- theuh leh, lakhuihthei huan neitute hnenah Rs. 8,000/- theuh sem a ni. Vawiina NLUP dawngtute hi Kolasib khawchhunga Veng 12 te an ni a, avaiin Rs. 16,18,000 sem a ni.