Vawiin ni 19th November, 2014 hian Secretariat Conference Hall Aizawl-ah Pu C.L. Ruala, MP (Lok Sabha) leh Pu Ronald Sapa Tlau, MP (Rajya Sabha) te kaihhruaina in State Level Orientation Workshop on Sansaad Adarsh Gram Yojana (SAGY) buatsaih a ni.

SAGY Scheme hnuaiah hian Member of Parliament (MP) te chuan thingtlang khaw pakhat zel thlan chhuah tur niin heng khua-ah te hian sorkar scheme hrang hrang awmsa te felfai zawka kalpui tum a nih tur thu MP te chuan an sawi. Pu C.L. Ruala, MP (Lok Sabha) chuan Khawlailung a thlang a, Pu Ronald Sapa Tlau MP (Rajya Sabha) chuan Chhiahtlang khua a thlang a ni. Hetiang hian kum tinin a tahtawlin khaw hrang hrang an thlang zel dawn a ni.

Workshop ah hian MP te chuan he scheme hi a lo hlawhtlinna tur chuan Department hrang hrangte leh an khaw thlan mipuite hmasawnna a pawimawh thu leh an inpekna a pawimawh thu an sawi a ni.

Pu Lalrinliana Fanai, Commissioner & Secretary, Rural Development Department pawhin SAGY Scheme chu mipuite tuna tangkai leh pawimawh a nih avangin mitinte tawiawmna a ngen a, Department tinte pawh theihtawp chhuah pui turin a sawm a ni.

He workshop ah hian SAGY chungchang leh pawimawhna te powerpoint presentation hmanga zirhona neih a ni bawk.