Vawiin hian Lawngtlai District Horticulture Divisional Office ah Horticulture Department hnuaia NLUP 2nd Phase dawngtute hnenah tanpuina hnuhnung ber (4th / Final Instalment) pek chhuah tan ani a, Parliamentary Secretary Pu H. Zothangliana chu khuallian niin tanpuina hi loneitute hnenah a hlan.

Pu H. Zothangliana chuan, ramin kalphung a thlak chho zel a, a dawngtu ringawt nilova a tharchhuaktu nih tumin kawng tinrengin hma a la mek a ni. Chutiang ram ni tur chuan mitinin mawh kan phur a ni. Sawrkar atanga a thlawna dawn tum ringawtte tan hmun a tlem tial tial anga, thawk peih lote hma khua a thim zel dawn ani. Chuvang chuan NLUP tanpuina hmanga mahni kea ding thei tura beih nachang hriate chu mi nihlawh an ni dawn. He tanpuina hmang hian theihtawp chhuahin hna thawk hram turin ka ngen che u a ni, tiin tanpuina dawng tura thlan kalkhawmte a chah a ni.

He inkhawmah hian Lawngtlai Divisional Horticulture Officer, Pu L. Lalhmingmawia Pachuau chuan Serthlum enkawl dan a lem nena entirin zirtirna a nei nghal bawk.

2nd Phase ah hian Lawngtlai District chhungah Horticultrue Department hian Benefeciary 719 an nei a, an zinga mi 520 te hian Arecanut chin thlangin, a dang zawngten M. Orange chin an thlang thung a. Arecanut thlangtute hian tanpuina Rs. 64,000/- theuh dawng tawhin M. Orange thlangtute hian Rs 60,500/- theuh an dawng tawh a, an dawn leh tur la awm zawng zawngte chu vawiin atang hian an semchhuak tan leh ta a ni. Final Instalment ah hian Rs 2,48,53,720.00 zet semchhuah a ni ang.

Vawiin bikah hian Lawngtlai leh a chhevel khuaa chhungkaw 58 te hnenah tanpuina hi sem phawt a ni a, naktuk atangin District chhung hmun dangte chu sem chhunzawm leh nghal an ni ang.