Nimin (14th May, 2015) khan Horticulture Minister Pu PC Lalthanliana chuan Champhai Tlangsama Turmeric Processing Centre tlawhin, Turmeric Growers' Society member-te nen inkawmna hun a hmang. Parliamentary Secretary Pu TT Zothansanga leh Horticulture Department Director Pu R. Zotawna ten Minister hi an tawiawm a ni.

Horticulture Minister chuan Turmeric Growers Society-te hnathawh leh Horticulture Department in hma a lakpuina chu fakin, ram pawn ami lei ngai lovin mahni tharchhuah ngei aieng hman mai theiha an siam chu lawmawm a ti a. Ram dang factory-te nen inkhaikhin chuan tam kan tih hi a la tam tawklo thin a, Mizoram pum chawm thei turin tan lak sauh sauh a tul a. Uluk leh chik taka ngaihtuaha hlawhtling ngei tura ngaihtuahna senga hma la tu kuthnathawktute tan chuan Sorkar lakah engmah lungngaih tur a ni lova, Turmeric Growers' Society-te poh an mamawh dik tak a nih phawt chuan an thil thlen te ngaihtuah sak ngei a tum thu Minister chuan a hrilh a ni.

Minister Pu PC Lalthanliana hian vawiin zing khan Champhai Zotlang V/C thar leh party hruaitute a kawm hnu ah Aiizawl a pan leh a ni.