Vawiin khan khawzawl Division Horticulture Department buatsaih Ni 2 awh tur Horticulture Crop Exhibition chu Horticulture Minister Pu PC Lalthanliana’n Town Hall Kahrawt vengah a hawng. He Exhibition ah hian Horticulture Department hmalakna hnuaia thar chhuah chi hrang hrang  Balhla, Sapthei, Lakhuihthei, Sawhthing, Hmarcha, Grape, Zikhlum leh a dangte phochhuah niin thlai chi hrang hranga tharchhuak tha zualte hnenah lawman pek niin; 1 na cheng 3000/-, 2na cheng 2500/-  3 na cheng 2000/- bakah Item tinah consolation prize 2 siam niin cheng 1000/- hlan an ni bawk.

Horticulture Minister hi Champhai Bawrhsap Pu Vanlalngaihsaka, Divisional Horticulture Officer Pu F Lalthlamuana leh Sub Divisional Horticulture Officer Pu Vansanga ten an tawiawm a ni.