Vawiin chhun khan Airiculture Director Dr. C Lalzarliana MAS hovin Community Hall, Hortoki-ah Loneitu te chuan Oil Palm chungchangah Training an nei a; Mizoram-in intodelhna tur atana kawng tha a neih chu Oil Palm nia a hriat thu Director chuan a sawi.

Oil Palm chungchang inzirtirna hun hman hi Pu R. Lalnunzira, District Agriculture Officer Kolasib chuan a kaihruai a; Director Dr. C Lalzarliana chuan kuthnathawktu kalkhawmte hnenah Mizoram tana intodelhna kawng tha chu Oil Palm nia a hriat thu a sawi a, Oil Palm chu thlai dangte anga tâm ve ngai lo, Kang mei hawlo tak leh enkawl nuam, Market tha leh nghet a nih thu a sawi.

Pu Tlangtimawia Zote, MAS chuan kuthnathawktu kalkhawm mi 53 te hnenah Oil Palm chin dan leh a enkawl dan te, ram leilung leh boruak a ngeih dan te Power Point Presentation hmangin zirtirna a pe a ni.

He hunah hian Agriculture Director hi DAO Kolasib bakah Officer te leh Hortoki VCP Pu Lalngaihawma chuan an tawiawm a ni.