Vawiin khan Aizawl Superintendent of Police Conference Hall-ah Fire & Emergency Services leh Directorate of Health tangkawp te chuan Aizawl khawpui chhunga Hospital 15 te tan hospital chhunga kangmeichhuah palh huna hmalak dan tur -Hospital Fire Safety Table Top Mock Drill Exercise an buatsaih tan a.
District Disaster Mangement Authority hmalakna hnuaia programme pawimawh tak, Hospital Fire Safety Table Top Mock Drill Exercise in a turn ber chu Damdawi In bakah a chhunga damlo leh hnathawktute te kangmei laka an lo him zawk na tura kawng inzitirna pek a ni a. He hmalakna ah hian damdawi In hnathawktute chu kangthlelh na hmanrua chi hrang hrang te hman dan zirtir an ni a. SDRF, YMA, Police, leh pawnlam.atanga tanpuitute an lo thlen hma pawha damlo te leh damlo awmpuitute sahimna tura anlo tih theih ang ang te thlenga kawhmuh leh zirtir an ni.
Vawiin khan (1)Civil Hospital, Aizawl (2)Kulikawn Hospital (3) State Referral Hospital, Falkawn (4)Mizoram State Cancer Institute, Zemabawk , leh (5)Seventhday Adventist Hospital, Vaivakawn ten training an nei a. Ni 20.6.2017 khian (1) Synod Hospital, Durtlang. (2)Nazareth Diagnostic and Research Centre, Chaltlang.
(3) Alpha Hospital, Kulikawn.(4)Bethesda Hospital, Bawngkawn, leh (5)Grace Nursing Home & Nursing Centre, Lower Zarkawt te zirtirna pek an ni leh ang a. Ni 22.6.2017 khian (l)Greenwood Hospital, Bawngkawn.(2) Aizawl Hospital & Research Centre, Khatla. (3) Vaivenga Hospital & Research Centre, Dawrpui.(4)New Life Hospital, Chanmari. leh (5) BN Hospital Kulikawn te hnenah zirtirna pek a ni leh dawn a ni.
Training zawh hnu in heng damdawi in 15 te hi Fire Audit team ten an endik leh dawn a. Fire Audit Team member te chu Pu J. Lalthafamkima SP, F&ES, Dr. Robert L. Khawlhring, Directorate of Health, Pi Lalthangpuii Pulamte, Addl.SP, F&ES leh Pu Lalremtluanga Varte te an ni a.
