Vawiin khan Aizawl DC Pu Kannan Gopinathan IAS hovin Independence Day hman dan turah meeting hmahruai Aizawl DC Conference Hall-ah neih a ni.

Meeting Chairman Pu Kannan Gopinathan chuan meeting hmahruai koh anih chhan sawiin, National Daya school parade contingent zirlaite lamtuala an din laia tlu an awm thin avangin, hei hei pumpelh dan ngaihtuah lawk tul tih vang a ni a ti a. Zirlai naupang parade a tel turte chu doctor ten an hriselna uluk taka endik hmasak theuh nise tiin, July thla ni 17 leh 21 chhunga endik hman vek turin meeting chuan a ti a, endik lohte chu tel tir lo se an ti a ni. Meeting-ah hian Republic Day lawmnaah school 3 endik hmasak loh an awm thu tarlan a ni bawk. Heng bakah hian parade an zir chhung leh a tak niah ei tur tha doctorte chawh chauh pek nise an ti bawk a ni. 

Meeting-ah hian Police, I&PR, Hospital & Medical Education, Aizawl Civil Hospital, Education Dept, H&TE Dept leh Printing and Stationary Dept a hotute an tel a ni.