Vawiin khan State Institute of Rural Development and Panchayati Raj (SIRD&PR), Mizoram buatsaih “Training on Preparation of Labour Budget for Programme Officers” chu Conference Hall-II, SIRD&PR, Durtlang Leitanah neih tan a ni. He training-ah hian Block Development Officers (BDOs) leh Assistant Project Officers (APOs) mi 23 telin, MGNREGA hnuaia Labour Budget siam dan leh Barefoot Technician chungchang an zirho dawn a ni. 

Training hi Pu Khawlsiamthanga Khawlhring, Deputy Director, SIRD&PR in a hawnga, training tura official kalkhawmte chu lo lawmin fuihna thuchah a hrilh nghal a. Tlangnel taka training naa tel tur leh neitu thinlung pu a, tihtak zeta zirlaite ngaihtuah turin a sawm a ni.