Mizoram School Hostel Infrastructure, Facilities and General Care of Students (Management) Rules, 2016 angin Hostel siam mi 24 hnenah permission pek tawh a ni a, Hostel 33 dilna ngaihtuah mek a ni bawk. Zirlaite tana Hostel siam tur ten Department of School Education atanga phalna an lak ngei a ngai a. Department-in permission a pek loh leh dilna pawh thlehlut lote phei chu engtik lai pawha kharsak theih reng an ni.

School Education Department-in Hostel siam phalna a pek Hostel 24-te hi Department Web-site www.schooleducation.mizoram.gov.in -ah te DEO leh SDEO Office-ah te en theih a ni a, nu leh pate pawhin an fate Hostel-a an dah dawnin permission nei an nih leh nih loh chian hmasa thin turin School Education Department chuan an ngen nghal bawk a ni.