Restoration of National Highway 54 & Mitigation of Land Sinking Area tih hmanga Mizoram sawrkarin Hunthar  Veng leitlahniam leh a chhehvel  thawmthat tuma hma a lak mek chu nimin leh vawiin lamah te National Disaster Management Authority(NDMA) leh Geological Survey of India(GSI) mithiamrual ten an rawn endik. 

Huntharvenga leitlahniam thawmthatdan tur rawn endiktute chu  Dr SK Singh. Professor PEC University, Chandigarh Pu Sudhir Mathur Area Advisor, Research & Development, Central Road Research Institute (CRRI), New Delhi.Dr Kishore Kumar, Chief Scientist, CRRI, New Delhi, Pu Ravinder Singh,Consultant (Landslides & Avalanches), NDMA, New Delhi.Pu MK Kaistha, Superintendent Geologist, GSI, NER, Shillong, Meghalaya, Pu G.Rongmei, Sr Geologist, GSI,NER Shillong, Meghalaya leh Pu PK Theopliilus Sr Geologist, GSI, NER, Shillong, Meghalaya.an ni a. Nimin tlai khan Hunthar khawtlang hruaitute leh sawrkar mipawimawh te nen  NH 54 kawngpui chhaklam, leiminna lai chu hmun 3 atangin uluk taka endikin DPR a ruahmanna nen an inmil em tih te pawh project siamtu, AIE Construction a engineer leh architect te an sawipui nghal a ni. 

NDMA leh GSI mithiam te hian vawiin khan Restoration of National Highway 54 & Mitigation of Land Sinking Area chungchang hi Chief Secretary Pu Lalmalsawma an sawipui a. Chief Secretary Pu Lalmalsawma chuan Hunthar leitlahniam thawmthat hna chu a rang thei ang bera thawh a nih theih nan GSI thuneitute chu thawhpuiah a sawm a. Chhiatna liantham zawk a thlennawn loh nan fur ruahtui a tlak tam hma ngeia  hnathawh hman  Mizoram sawrkarin a duh tih a tarlang. 

NDMA leh GSI team member te hi  Pu PC Lallawmsanga, Consultant, DM&R, Mizoram, Pu C.Lalpeksanga, Director, DM&R, Pu Lalhmachhuana, Director, Geology& Mineral Resources, Geologist te, Engineer te leh Official ten an tawiawm a. BSI Building, Upper Khatla  leh Ramhlun Sports Complex thlang leimin dawlthathna thawh zawh takte te pawh enpui an ni a.  Vawiin chawhnu khan Hunthar veng leitlahniam hi NH 54 kawngpui thlanglam, luikawr kam atangin uluk takin  an endik leh a ni.