No1146/2020-2021
Mizoram sawrkar Department of Disaster Management and Rehabilitation Department chuan Mizoram mi leh sa tangkhang lo hawte lo haw dan tur kaihhruaina a siam a. A hnuaiah hian Hotel-a khunghrante tana kaihhruaina zawm tur bik lak chhuah a ni.
Hotel-a khunghrante chuan a hnuaia dan tarlante hi an zawm tur a ni:-
1.Sorkar empanelled hotel (Annexure 1 a tarlan)-a inkhunghrang duhte chuan Mizoram pana an lo chhuah ni tur (date of departure) hmain an thlenna tur Deputy Commissioner hnenah ziakin phalna an la hmasa tur a ni. An dilna lehkhaah hian chiang takin empanelled hotel-ah anmahni sensoin ei man leh thlen man an intum ang tih an ziak tel tur a ni.
2. An Dilna lehkha dawn a nih hnuah Deputy Commissioner/ Chairman, District Level Task Force chuan health authorities/Quarantine Management Unit, Health & Family Welfare Department hriattirin an hotel thlenna tur ruahmanna (allotment) a siamsak ang. Mizoram an thlen hunah Rapid Antibody Test an paltlang lo a nih erawh chuan hotel-a luh phalsak an ni lo ang.
3. Deputy Commissioner-in hotel-a khunghrante hming, nihna leh dinhmun hriattur tul zawng zawng chu Task Group on Quarantine Facilities te a hriattir ang.
4. Hotel-a khunghrante chu tlawhtu neih phalsak an ni lo ang. Hotel-a thleng ve midangte nen intlawhpawh phal a ni lo a. Hotel-a thawkte nen social distancing inkaihhruaina an zawm tur a ni. Khauh taka heng kaihhruainate hi an zawm ngei theih nan hotel neituin mawh a phur ang. Annexure-II a tarlan ang hian Deputy Commissioner chuan hotel neitute hnen atangin ziaka intiamkamna a la tur a ni.
5. Khunghrante ei tur hi an pindanah pek tur a ni a, eng vang mahin hotel restaurant-ah mikhual dangte nen an eiho tur a ni lo.
6.Deputy Commissioner/Chairman, District Level Task Force in chhuah phalna a pek hma chu khunghrante hian hotel an chhuahsan thei lo ang.
7. Khunghrante leh hotel staff ten social distancing te, mahni inenkawl thianghlim te, rawmawl emaw tissue paper hmanga hmui hup chunga khuh - coughing etiquette te an zawm ngei tur a ni.
8. Hotel-a khunghran ten khuh, khawsik, thawhah, thawk lama harsatna emaw eng natna dang pawh khung hran an nih chhunga an vei a nih chuan Helpline number 101/(0389)2318377/ (0389)2323336 ah report tur a ni.
9. Hotel-a khunghrante chuan Aarogya setu leh mCovid-19 mobile application ah te an inziaklut ngei tur a ni.
10. Notification of empanelment-a tarlan angin hotel neitu leh enkawltuten inkaihhruaina dan zawng zawng an zawm kim vek tur a ni.
