No1147/2020-2021

Mizoram mi leh sa, ram pawna tangkhang mek, Mizorama rawn haw tum te chu mahni thu a rawn haw ngawt lo tura ngen leh hriattir nawn an ni.

Ministry of Home Affairs, Government of India thu angin mahni State-a haw duh an awmin State Sawrkar pahnih (thawn haw tur State leh lo dawng tur State) te inbiakremna a ngai a. Mizoram Sawrkar chuan rawn haw turte tan hian an in quarantine dan tur a ruahman fel hmasak a ngai a, hei bakah hian an hriselna enzui dan tur protocol Sawrkar-in a siam ang te zawm vek a ngai a ni.

State pawn atanga rawn haw turte tan hian kalphung (SOP) mumal taka duan a nih avangin Sawrkar-in phalna a pek tih loh chu rawn haw hmanhmawh rih lo turin leh Mizoram Sawrkar phalna lo ngaichang tura hriattir nawn an ni.

Lo kir turte hian intiamkamna (SOP-a format awmsa angin) an sign a ngai bawk a. Hengte hi an lo kir hma pawha tih fel theih a ni. 

WhatsApp Image 2020-05-17 at 11.43.23 AM.jpeg