No1148/2020-2021

 

Mizoram Sawrkar Disaster Management & Rehabilitation Department chuan Mizoram mi leh sa India ram hmundanga tangkhangte lo haw dan tur leh lo dawnsawn dan turah mumal zawka hma lak a nih theih nan "COVID-19 Lockdown avanga Mizoram Mi leh Sa, Mizoram Pawna Tangkhangte lo Haw Dan Tur Kaihhruaina Siamthat (Revised Standard Operating Procedure (SOP) For Return of Permanent Residents of Mizoram Stranded Outside the State due to Covid-19 Lockdown) a lo tihchhuah tawh chu a hnuai a mi ang hian siamthat (revised) a ni a, hemi chungchanga hmalatute zawm atan tihchhuah a ni.

 

COVID-19 LOCKDOWN AVANGA MIZORAM MI LEH SA, MIZORAM PAWNA TANGKHANGTE LO HAW DAN TUR KAIHHURUAINA STANDARD OPERATING PROCEDURE (SOP) FOR RETURN OF PERMANENT RESIDENTS OF MIZORAM STRANDED OUTSIDE THE STATE DUE TO COVID-19 LOCKDOWN

 

Chapter 1: Mizoram thlen dan tur

 

1.       Mizoram-a khawsa nghet India ram hmun danga tangkhangte chu Mizoram Sawrkar phalna la hmasa lo leh he kaihhruaina zawm lova rawn haw a thiang lo. Phalna nei lo Mizoram luh tumte chu The Mizoram (Containment and Prevention of Covid-19) Ordinance, 2020 hnuaiah hrem theih an ni ang a, Sawrkar phalna an hmuh fel hma loh chuan Mizoram chhungah luhtir an ni lovang.

 

2.       India ram hmun danga tangkhang, Mizorama lo haw duhte chuan Proforma Annexure 1 ang hian Mizo Welfare Association hnai berte hnenah an hming leh tul dangte an thehlut tur a ni.

 

3.       State hrang hranga Mizo Welfare Association hruaitute leh anmahni biak pawh theihna chu Annexure 2-ah dah a ni.

 

4.       Mizo Welfare Association tinte chuan an hnena hming thehlutte hi list fel tak siamin, Officer-in-Charge, Task Group on Migrant Workers & Stranded Travellers (TGMWST) hnenah an thehlut ang. State/UT/Zone tin atana Officer-in-Charge ruat te leh biak theihna chu Annexure 3-ah dah a ni. Tangkhangte zingah hian Mizo Welfare Association-te hnena in-report remchang/thei lo-te an awm a nih chuan, Officer-in-Charge, TGMWST-ah an in-report ang a, Nodal Officer hian Home Department, Mizoram-a an awmna District Deputy Commissioner, an awmna State nodal officer leh tul dangte rawnin an haw dan tur a ruahmanpui ang.

 

5.       Mizoram pan dan remchang ber tur (mode of transportation) chu Mizo Welfare Association tinte list thehluh hnuah ruahhman a ni ang a. Rail (Shramik Special train)-a rawn haw remchang turte tan chuan, an awmna hmun atanga 'Shramik Special train' an man theihna rail station hnai ber (Originating Station) identify-sak a ni ang a, heta tang hian Indian Railways hotutute ruahman dan azirin Bairabi (Mizoram), Silchar (Assam) emaw Guwahati (Assam) thlengin 'Shramik Special train/rail-ah an chuang ang. Rail-a rawn haw duhte hian an awmna hmun atanga Originating Station thlen dan tur erawh anmahniin ruahmanna an siam ang.

 

6.       Rail pakhat hi Mizorama haw tur ten an luah khat zawh dawn loh chuan NE State danga haw turte nen inhman tawm a ngai thin dawn a. Indian Railways leh State dangte nena ruahmanna siampui tura ruat Nodal Officer chuan Mizoram-a lo haw turte chu State danga haw turte nen an inchuan pawlh loh nan 'Shramik Special train' boogie hranah chuantir an nih theih nan hma a la ang.

 

7.       Rail dinna hnuhnung ber tur rail station awmna azirin Deputy Resident Commissioner, Mizoram House, Guwahati emaw Deputy Resident Commissioner, Silchar emaw Bairabi-a chhukte tan an hawna tur District Deputy Commissioner ten rail station atanga an awmna District theuh panna tur motor an ruahmansak ang.

 

8.       Tangkhang te haw na tur district Deputy Commissioner (Bairabi rail station a chhuk tan), leh Deputy Resident Commissioners (Guwahati leh Silchar rail station a chhuk tan) ten 'Movement Plan' felfai tak, chiang taka rail station an chhuahsan hun tur (time of departure), Mizoram emaw anmahni district phur thleng tur motor registration number, a khalhtu driver hming leh biak pawh theihna kimchang an siam ang. Chu chu tangkhangte khua/veng bialtu District-a Deputy Commissioner leh Task Group on Quarantine Facilities te an hrilh hre tur a ni.

 

          Deputy Commissioner emaw JRC/ DRC te hian bus pakhata chuangte hming list an siam ang a, a theih hram chuan district pakhata haw turte chu bus pakhatah khung theih ni se. Hetiang list siam sa te hi tangkhangte thlenna tur district leh Task Group on Quarantine Facility-ah an thawn zel ang.

 

Tin, Deputy Commissioner-te hian tangkhangte awmna tur quarantine facility hi an lo thlen hma-in allotment an lo peih fel vek ang a, anmahni a hriattir leh tur a ni ang.

 

9.       Train ticket man, bus fare leh zin kawnga ei leh in mante chu Mizoram-a lo haw tur ten anmahni an intum ang. Sum lama

harsatna neite chuan an awmna zone atana ruat officer-in-charge an hriattir ang a, State sawrkarin ruahmanna a siamsak ang.

 

Mizoram chhunga an kal velna tur chu Mizoram sawrkarin a tum ang.

 

10.     Indian Railways leh Mizoram mite tangkhanna State dang nena ruahmana siam tura ruat Nodal Officer chuan Indian Railways leh State dang Nodal Officer te nen thawkhovin 'Shramik Special train' tangkai leh hlawk thei bera hman dan a ngaihtuah tur a ni ang.

 

11.     Motor-a haw duh tan Additional/ Joint/ Deputy Resident Commissioner, Mizoram House hnai berte hnenah in-report tur a ni a, anni hian Officer-in-Charge, TGMWST leh district hawna tur Deputy Commissioner-te rawn chungin ruahmanna an siam ang. Movement Plan, Para. 8-a tarlan tawh angin Additional/Joint/ Deputy Resident Commissioner ten heng mite tan hian ruahmanna a siam tur a ni.

 

12.     India ram hmun dang/ State Mizoram House awm lohna hmuna tangkhang lo haw duhte chuan an nihna leh dinhmun, an lo haw hun tur kimchang, an tangkhangna State bik tana officer-in-charge ruat an hrilh hre lawk ang (Annexure 3 en tur). Hengho lo thlen huna lo dawnsawn leh quarantine-a indah a remchan zawk nan officer-in-charge chuan a rang thei ang berin an awmna district Deputy Commissioner-te hnenah chanchin kimchang a hrilh ang. Lo hawte hian Para 24-in a sawi angin officer-in-charge hnenah intiamkamna an thehlut ang (Mimalin emaw a huhovin).

 

13.     A chunga tarlan ruahhmanna te anga Mizoram-a lo let reng rengte chu entry point (Vairengte emaw Bairabi) an thlen hunah an hriselna endiksak (health screening) an ni ang a, Mizoram Sawrkar thupek angin ni 14 chhung tal quarantine an ni ang. Screening point-ah hian District tina haw turte hming leh address chiang taka record tur a ni a, an hawna tur theuh District Commissioner hnenah hrilhhriat tur a ni bawk a ni.

 

Bung 2 na: An lo thlenfel hun leh a hnu lampang

 

14.     Para 8 leh Para 11-a sawi anga an lo haw dan tur ruahmanna fel tak dawn a nih hnuin Deputy Commissioners ten quarantine facilities hrang hranga an dah dan tur ruahmanna an siam ang. An awmna tur quarantine facilities te chiang taka tarlangin dah hran ngai lo haw tharte hnenah a hma thei ang bera hriattir tur a ni ang.

 

15.     Quarantine facilities hrang hranga lo haw turte dah dan tur ruahmanna hi Home Department, Task Group on Commodities and Transport/ Medicine & Medical Equipments/ Quarantine Facilities, Officer-in-Charge, TGMWST, tangkhangte kaltlang tur District-a Deputy Commissioners-te, lo haw tur buaipuitu Additional Resident Commissioners-te, State Control Room leh Health & Family Welfare Department te hnenah hriattirna pek vek nghal zel tur a ni.

 

16.     Tangkhangte lo haw dan tur ruahmanna leh anmahni dah hranna tur ruahmanna zawng zawngte hi Deputy Commisioner ten Entry points-a duty official-te hnenah an hriattir zel tur a ni.

 

17.     Tangkhangrte an lo thlen veleh entry points-ah uluk taka endik an ni ang. Home department phalna nei lo chu tumah Mizoram chhung luh phal a ni lovang.

 

18.     Screening paltlanga Mizoram mi leh sa tangkhang lo hawte chuan an lo haw dan tur ruahmanna siam angin anmahni awmna tur quarantine facility emaw Aizawl-a anmahni lo dawnsawnna tur hmun emaw an pan ding nghal ang. An lo paltlang khuaah emaw hmun dangah emaw chawlh khawmuan leh pen phal a ni lova, social distancing, faina leh thianghlimna kawnga inkaihhruiana siamte chu an zawm tha tur a ni. Heta ruahmanna hi an zawm that zawk nan police escort a tul anga pek an ni ang.

 

19.     Lo haw tur te dawnsawnna tur hmun bik (arrival point) Deputy Commissioner theuh ten an buatsaih ang a. Hemi chungchang hi Task Group on Commodities 8s Transport, Officer-in-Charge, Home Department, etc. te hriattir tur a ni ang. Chawlhlailawkna (transit-na) hmun tur bik pawh hmundang pan leh ngai te tan, an thlen khawmna hmun district Deputy Commissioner in a buatsaih ang. Hemi chungchang pawh hi a tul anga midang hrilhriat tur a ni ang. Lo haw ten anmahni district theuh an pan leh dan tur chungchang erawh chu an hawna tur district Deputy Commissioner theuh ten transit-na hmun district Deputy Commissioner te nen inbe rawn chungin ruahmanna an siam ang.

 

20.     Tangkhang lo haw ten anmahni awmna tur quarantine facility/centre an thlen veleh, Sawrkarin tihdan tur a ruahman angin Rapid Antibody test kits hmanga endik (screened) an ni ang.

 

21.     Home quarantine nana facility nei ten home quarantine an duh chuan, an awmna district Deputy Commissioner hnenah an lo thlen hmain, anmahni emaw an chhungte'n an dil lawk thei ang. Dilnaah hian an inkhunghranna tur inah bedroom hran leh inthiarna hran a awm a ni tih LLTF/VLTF ten an hriatpuina an thil tel tur a ni. Heng hi online a dil theih a ni ang.

 

22.     Home quarantine phalna hi mi a lo thlen ruala Rapid Antibody Test neihna hmuna endikna a paltlang a nih chuan, Chairman, District Level Task Force-in emaw, a aiawh Medical Officer screening-na hmuna duty-in an pe chhuak ang. Home quarantine phalsak an nih chuan Mizoram Sawrkar-in kaihhruaina a zamte chu an zawm ngei tur a ni. Hemi atan hian ziakin intiamkamna Annexure 4 angin an siam tur a ni (Kumtlinglo naupang tan nu/pa-in an siam ang).

 

23.     Tangkhang lo hawte zinga Rapid Antibody Test-a negative (non-reactive) ten mahni sum leh pai senga hotel ruat bikah quarantine an duh a nih chuan remtihsak an ni ang. Hemi atan hian inkaihhruaina Annexure 5 zawm tur a ni ang.

 

24.     Tangkhang lo haw turte reng reng hian an anmahni duhthu ngeia an haw tur thu leh inhruai hawna tur atana zawm ngai sawrkarin a zamte an zawm ngei tur thu intiamkamna Annexure 6 angin ziakin an dah tur a ni. Kumtlinglo naupang an nih erawh chuan nu/pa emaw anmahni enkawltu emaw-in a ziak ang.

 

25.     Tangkhang lo haw zawng zawngte hi home quarantine an ni emaw quarantine centre leh hotel-a awm an nih emaw pawhin mcovid-19 leh Aarogya Setu mobile applications-ah te hian an in-register vek tur a ni.

 

26.     Mizorama lo haw turte list hi PDF-in Task Group on Migrant Workers and Stranded Travellers, Task Group on Commodities and Transport, Task Group on Quarantine facilities, Task Group on Medicine & Medical Equipments, Village Council Association leh Aizawl City Local Council Association ten hma an lo lak theuh theih nan an Whatsapp group theuhah post/ upload tur a ni ang.

 

27.     He inkaihhruaina dan (SOP) hi sawrkarin a tul angin a siam danglam thei ang.


ANNEXURE 1.pdf

Annexure 2.pdf

Annexure 3.pdf

Annexure 4.pdf

Annexure 5.pdf

Annexure 6.pdf