Kolasib a Housing For All(HFA) kalpui dan tur ngaihtuahin vawiin khan Pu H. Lalengmawia, Deputy Commissioner hovin District Urban Development Officer, Joint Village Council bakah Kolasib khawchhung a Village Council te a pisa ah an thukhawm.

Thutkhawm naah hian Deputy Commissioner chuan insak tanpuina hi a dawng tur diktak ten an dawn ngei theih nan hma kan lak theuh angai ani tiin, induhsak avanga chenna in nei tawh te pek a remlo a ni a ti.

Pu Albert Vanlalliantluanga, District Urban Development Officer, Kolasib District chuan HFA chungchanga an hmalakna report pe in, HFA dawng tur list ah ennawn ngai thenkhat a awm avangin Survey neih nawn leh a ni a ti a. Kolasib a VC 15 awmah VC 10 ah survey hi zawh a ni tawh a, tun karah hian zawhfel hman tum ani a ti. Meeting-ah hian VC hrang hrang ten an Area chhunga HFA kalpui danah hma an lak dan an sawi bawk a ni.