Investment Program Empowered Committee (IPEC) vawi 26-na, North Eastern Region Capital Cities Development Project (NERCCDIP) – Aizawl tana buatsaih chu vawiin khan Secretariat Conference Hall, New Secretariat Complex ah neih a ni. Dr. C. Vanlalramsanga, Secretary, UD&PA chu Chairman niin a kaihruai a ni.

Meeting ah hian Er. Valbuanga, Program Director SIPMIU Aizawl in an hnathawh kal leh zelna tur thil tul hreang hrangte rel tur atan agenda a chhawp chhuak a, chung zingah chuan Staff indaihlohna tih belhna tur Junior Engineer post 12 siambelhte, sum hman tur Rs. 30.49 lakhs expenditure sanction leh contract package thenkhat tih danglamte bakah hna a hun taka zawh anih theih nan Contractor resource bakah, PWD, PHE leh P&E Department te resource a tam thei ang bera hman tlan ni se tih sawi ho a ni.

NERCCDIP hnuaia Project 1 chu zawhfel niin, Project 2&3 kalpui mek a ni a, Project 2 hi 62.52% (aggregate) zawh tawh a ni a, Project 3 hnuaia contract 90% chu award fel tawh a ni bawk. NERCCDIP project hi June 2019-a zawhfel tur a ni.

Dr. C. Vanlalramsanga, Secretary, UD&PA, Meeting Chairman ni bawk chuan SIPMIU hnathawh kal mek chu fakin, khawpui hmasawnna atana rinawm tak leh theihtawp chhuah chhunzawm zel turin a chah a ni.