Kolasib Bialtu MLA Pu PC Zoram Sangliana chuan Inrinni (25.3.2017) khan Kolasib District Football Association buatsaih T. Ruala Memorial Football league Final Regional Sports Complex, Saidan Field a khelh chu khuallian niin a hmanpui.

Tournament kharna inkhawm tawi neihah hian Pu PC Zoram Sangliana chuan, Thalaiten Infiamna kawnga an tuihalna phuhruk turin Sorkar chuan theih tawp a chhuah zel a, Mizoram hmun hrang hrangah  Sports Stadium sak zel niin, Kolasib ah pawh Venglai Field ah cheng nuai 2268 sengin sak mek a ni a ti a. Kolasib Football league buatsaih a nih theihna tura Pu T. Ruala chhungte inpekna chu ropui leh lawmawm a tih thu a sawi a. Infiammite chu  insum theihna leh taihmakna nen hmalam pan tuma tanla zel turin a fuih a. Bialtu MLA chuan Football league a khel zawng zawngte hnenah hian Football a pek vek bakah Final khel team hnihte hnenah hian Rs 2000/- ve ve a pe bawk a ni.

Football league ah hian team 8 awmin an inkhelh kual hnuah Point hmu sang pahnih ten Final an khel a ni. Pu T Ruala Memorial Football league ah hian Champion teamin Rs 20000/- bakah Trophy dawngin, Runners Up hian Rs 10000/- an dawng a. Team tel zawng zawng hnenah hian an chet that dan a  zirin Participation Prize pek an ni bawk.