Vawiin chawhma dar 11:00 ah tanin HPC Vice Chairman Pu Joseph Lalhimpuia kaihhruaina hnuaiah HPC Development Board Meeting neih a ni.Thusawiin Pu Joseph Lalhimpuia chuan Mizoram sorkar duhsakna in HPC Lunglei chu hna thawk thei a siam in Lunglei leh a district huap tan thil tam tak tih sakin kan awm mek a, a lawmawm tak meuh a ni, a ti.

He HPC Lunglei District Development Board ah hian Lunglei District MLA constituency tin atangin Board member pakhat dah bakah official atangin ruat bik te an tel a ni. Heng MLA constituency tin atanga Board Member te hian an constituency khawtin atanga Development hna an ngaih pawimawh te chu he committee meeting ah hian thehluh a ni a, chungte chu HPC Vice Chairman hovin thlir a ni ang a. HPC sum atanga tih hlawhtlin theih chin leh Mizoram state sorkar department te hnena bawhzui ngaite bawhzui a ni dawn a ni. Vawiin Board Member kal zawng zawng te hi member 13 an ni.