Vawiin khan Co-operative Conference Hall, Babutlang ah MIZOFED Annual General Conference vawi 14-na neih a ni.He conference ah hian Pu J.H. Rothuama, Minister, Cooperation Deptt changtu chu khuallian niin Pu Vanengmawia, IAS, Registrar, Cooperation Deparment chu khualzahawm a ni. Inkhawm hi MIZOFED Chairman Pu K.Laldawngliana'n a kaihhruai.Annual Conference ah hian Mizoram hmun hrang hrang atangin palai thahnem tak an kal khawm a, programme hmasa zawk chu inkhawmna tawi niin chawhnu programme - rorelna leh MIZOFED inrelbawlna dan siam thatna hun in a zui nghal. Annual Report 2009-10 in a tarlan dan chuan kum liamta a MIZOFED sumdawnna kawng hrang hrang atanga sum leh pai hlawkna hmuh chu cheng nuaih 38.44 a ni.
Minister chuan MIZOFED chu sumdawng a ni a hlawkna leh hmasawnna kawng a ke a pen ve zel a pawimawh rualin mipuite tana tangkai leh remchanna siamtu nih mai bak rin ngam nih a tul a ti. Sumdawng mipuite rawngbawltu leh nitin mamawh thil (essential commodities) zuartu a nih avangin MIZOFED chuan hlawkna a um kawngah pawh mipuite hlawkna a dah hmasak fo a ngai a ni a ti.Hmasawnna tichak tur chuan inrelbawlna(Bye-Laws) siamthat a ngai a,mahse tun dinhmun chauh ngaihtuah lovin hmathlir thui tak neiin siam a tha a ni a ti. MIZOFED sumdawnna a pawisa chevel chu hlawkna liantham zawk paw chhuak turin a tam thawkhat thu a sawi. Petrol Pump thar Thenzawl, Khawzawl, Hrangchalkawn leh Darlawnah te bun turin Central Sawrkar ah dilna thlen a ni a, he thil hi tun dinhmunah Chief Minister Pu Lal Thanhawla hmalak puina in a hlawhtling thawkhat tawh a ni a ti .Minister chuan Cooperation hmalakna leh hmachhawp hrang hrang te sawiin chak tak a hnathawh mek a nih thu sawi. Retail Market ah huang zauhvin Mizoram hmun tam zawkah nitin mamawh thil a man inang khat a zuar turin Cooperative Society chuan hma a la dawn a ni a ti.
Registrar, Cooperation Department pawhin MIZOFED sumdawnna chu mipui nitin mamawh thil (Essential Commodities) a nih avangin fimkhur tak a kalpui a ngaih thu a sawi.Kum 2009-2010 chhungah Society in hlawkna a hmuh chu a la tam tawk loh avangin nasa zawk a hnathawh a ngai a ni a ti. Tunlai Mizoram chhung a petrol pawlh dal tam ta lutuk chu a zahthlak takzet a, India ram hmun dangah sawi tur a awm ve lo a ni a ti. Heng hlemhletna thil thalo a inhnamhnawih ve lo turin MIZOFED hnathawkte a hriattir nghal a, Mihringpui te laka rinawm chu Pathian tan a rinawmna a nih thu a sawi.Mipui te harsatna siamtu nilovin hlawk zawk a sum a dawn theih tho thu a sawi lang bawk.
Annual Report tar lan dan in kum 2009-10 chhunga MIZOFED sum lakluh hi Cheng nuai 8995.62 niin hmanral zat chu cheng nuai 8977.37 a ni thung. MIZOFED ah hian share holder 273 an awm a, Primary Cooperative society thawhkhawm share Rs 6,26,550/- anih laiin sawrkar share chu Rs.629,56,398/- a ni thung.MIZOFED hlawkna zawng zawng hi cheng nuai 399.63 niin kumliam ta chhung bik a hlawkna hmuh zat chu cheng nuai 38.44 a ni.MIZOFED hian Board of Director 7, Hnawthawktu 140, POL(Petrol Pump) 7, LPG show room 6, Retail Godown/outlet 6 a nei mek.
Registrar, Cooperation Department pawhin MIZOFED sumdawnna chu mipui nitin mamawh thil (Essential Commodities) a nih avangin fimkhur tak a kalpui a ngaih thu a sawi.Kum 2009-2010 chhungah Society in hlawkna a hmuh chu a la tam tawk loh avangin nasa zawk a hnathawh a ngai a ni a ti. Tunlai Mizoram chhung a petrol pawlh dal tam ta lutuk chu a zahthlak takzet a, India ram hmun dangah sawi tur a awm ve lo a ni a ti. Heng hlemhletna thil thalo a inhnamhnawih ve lo turin MIZOFED hnathawkte a hriattir nghal a, Mihringpui te laka rinawm chu Pathian tan a rinawmna a nih thu a sawi.Mipui te harsatna siamtu nilovin hlawk zawk a sum a dawn theih tho thu a sawi lang bawk.
Annual Report tar lan dan in kum 2009-10 chhunga MIZOFED sum lakluh hi Cheng nuai 8995.62 niin hmanral zat chu cheng nuai 8977.37 a ni thung. MIZOFED ah hian share holder 273 an awm a, Primary Cooperative society thawhkhawm share Rs 6,26,550/- anih laiin sawrkar share chu Rs.629,56,398/- a ni thung.MIZOFED hlawkna zawng zawng hi cheng nuai 399.63 niin kumliam ta chhung bik a hlawkna hmuh zat chu cheng nuai 38.44 a ni.MIZOFED hian Board of Director 7, Hnawthawktu 140, POL(Petrol Pump) 7, LPG show room 6, Retail Godown/outlet 6 a nei mek.
