Vawiin chhun khan Art & Culture Department buatsaih "ZO RIMAWI KUTPUI" chu Department changtu Art & Culture Minister Pu P.C. Zoram Sangliana'n Vanapa Hall-ah a hawng.
Hawnna thu sawiin Minister chuan mizote hi kan awmna hmun apianga lungleng chi, kan lunglen hrikthlak nan zai leh rimawi awmthei ang ang ban ruai mai thin leh kan bul hnaia thil awm remchang apiang rimawi siam nana hmang thiam mai zel kan ni a, mizo tena rimawi tum nana kan hman thin chi hrang hrangte hlut zia leh roh tlak anih zia uar takin a sawi a, tunlai khawvela rimawi tam tak rawn chhuak tharte pawh hi khawvel hnam changkang zawkten an Pipute rimawi hmanrua leh a rik dan kalhmangte an ram hmasawn dan ang zela an siamthat fo thin rah chhuah a ni a ti bawk.
Minister chuan Ram dang leh hnam dangten Mizote min hriatrengna tur chu Western Music kan thiam lamah nilovin; kan Pipute atanga kan neih kan rimawi tum rik leh zaite hi ani zawk tih hria a tan la thar turin leh mizo thangthar rimawi thiamte pawhin kan Pipute rimawi chawinung chunga kalhmang thar leh rik dan mawi zawkte zawn chhuah nana Zo Rimawi Kutpui hi hmang ngei turin a chah a, kan hnam kutchhuak ngei rimawi chi hrang hrangte mawi taka remkhawma, RIMAWI CHANGTLUNG (Orchestra) siam ngei hi a duhthusam anih thu a sawi bawk
Khuallian hian kum 2009-2010 chhung atana North East Zone Cultural Centre-in Young Talented Award dawng tura a thlan mizo thalai mi paruk hnenah chawimawina a hlan a, chungte chu :
1. Lawrence Lalnithanga, Tlangnuam (Traditional Music Instrument)
2. F. Vanlalnghaka, Zemabawk (Cane & Bamboo)
3. Lalnunngila, Chaltlang (Woodcraft)
4. Malsawmdawngliana, Bungkawn Nursery (Toy-Making)
5. Lalremruata Varte, Mission Veng (Painting)
6. Isaac Malsawmtluanga, Venghnuai (Painting)
Young Talented Award hi kum 2006 atanga siam tan a ni a, tun thlengin Mizo Thalai mi 20 in he chawimawina hi an dawng tawh a, he Award hian Citation leh pawisa fai Rs. 10,000/- a keng tel a ni.
Minister hi Pu K.Lianzuala MLA, K.V.I. Board Chairman ni bawkin a tawiawm a, he Zo Rimawi Kutpuiah hian Mizo kutchhuak rimawi chi hrang hrangte entir a niin a tum thiam bik mithahnem tak hnen atangin zo rimawi ngaihnawm tak tak ngaihthlak a ni bawk.
Minister chuan Ram dang leh hnam dangten Mizote min hriatrengna tur chu Western Music kan thiam lamah nilovin; kan Pipute atanga kan neih kan rimawi tum rik leh zaite hi ani zawk tih hria a tan la thar turin leh mizo thangthar rimawi thiamte pawhin kan Pipute rimawi chawinung chunga kalhmang thar leh rik dan mawi zawkte zawn chhuah nana Zo Rimawi Kutpui hi hmang ngei turin a chah a, kan hnam kutchhuak ngei rimawi chi hrang hrangte mawi taka remkhawma, RIMAWI CHANGTLUNG (Orchestra) siam ngei hi a duhthusam anih thu a sawi bawk
Khuallian hian kum 2009-2010 chhung atana North East Zone Cultural Centre-in Young Talented Award dawng tura a thlan mizo thalai mi paruk hnenah chawimawina a hlan a, chungte chu :
1. Lawrence Lalnithanga, Tlangnuam (Traditional Music Instrument)
2. F. Vanlalnghaka, Zemabawk (Cane & Bamboo)
3. Lalnunngila, Chaltlang (Woodcraft)
4. Malsawmdawngliana, Bungkawn Nursery (Toy-Making)
5. Lalremruata Varte, Mission Veng (Painting)
6. Isaac Malsawmtluanga, Venghnuai (Painting)
Young Talented Award hi kum 2006 atanga siam tan a ni a, tun thlengin Mizo Thalai mi 20 in he chawimawina hi an dawng tawh a, he Award hian Citation leh pawisa fai Rs. 10,000/- a keng tel a ni.
Minister hi Pu K.Lianzuala MLA, K.V.I. Board Chairman ni bawkin a tawiawm a, he Zo Rimawi Kutpuiah hian Mizo kutchhuak rimawi chi hrang hrangte entir a niin a tum thiam bik mithahnem tak hnen atangin zo rimawi ngaihnawm tak tak ngaihthlak a ni bawk.
