Vawiin chawhnu dar 1:00 khan DC chamber ah HPC CUP khelh meka hmantur Football chu Pi M.Zohmingthangi, IAS, DC Lunglei chuan a tlangzarh.

Tlangzarhna inkhawm ah hian DC chuan thusawiin Lunglei District kan vannei hle a, sawrkar-in Thalaite infiamna lama hma kan sawn theih nan hma min laksak a. Tunah pawh HPC Football engemaw zat chuan Lunglei a rawn thleng tawh a, heng ball te hi a bik taka HPC Vice Chairman hmalakna leh duhdan anga India rama Footbal siamthiam ber leh siam hnem bera chhal ngam Kum 1934 a lo din tawh Punjab a JALANDHAR an tih hmun a mi he tournament a hman atan Freewill Pvt. Ltd. (NIVIA) te siamtir an ni. India ramah chuan siam chhuaktu thaber leh siamchhuak hnem ber an ni a, khawvel huap pawn an duai lo hle a ni. He ball hi Y2Goal Agency kaltlanga chah thlen a ni a, he ball ah hian Mizoram chief minister leh HPC Vice chairman thlalak pawh nem kai a ni. He tiang company tha khawvel huap pawh a an hman lar siam ball HPC hmalak na a Mizoram a kan thalai ten an pet thei hi a bikin Lunglei lama kan thalai te hi an vannei hle a ni a ti. He ball hi LDFA Vice President Pu Andrew Vanlaldika hnen ah hlan a ni bawk.