Lalremruata Ralte, Luangmual (Painting); C. Lalenkawla, Hnamchhantu (Cane & Bamboo); Lalhruaitluanga, Hnamchhantu (Woodcraft) leh David Lalrindika, Ramthar North (Traditional Musical Instrument) te chu Sorkar Laipui-a Ministry of Culture hnuaiah Young Talented Artistes Award dawng turin thlan an ni.

Young Talented Artistes Award hi kum 2004-2005 atanga siam tan a ni a. India rama Zonal Cultural Center hrang hrangte kaltlangin ram chhunga thalai thiambikna neite hnenah chawimawina hlan thin a ni. Hmarchhak state-a thalaite chu North East Zone Cultural Center-in an state Art & Culture Department theuh kaltlangin chawimawina a pe thin a. Kum 2010-2011 chhunga hmarchhak state-a chawimawina dawng tur hian mi 21 thlan chhuah niin Mizoram atang chuan a chunga tarlan mi 4 te khi thlan chhuah an ni. He award hian Rs. 10,000/- leh trophy a keng tel a; Mizoram atanga dawng turte hi May 2011 hun remchangah hlan an ni ang.