No.6550/2020-2021

14 Nov 2020 (Inrinni) khan Zawlpui khuaah HPC Lunglei leh Horticulture Department tangkawp hmalakna in loneitute hnenah thlai chi cheng nuai hnih man hu a thlawnin an sem chhuak.

Zawlpui a thlai chi semna inkhawm Pu L. Lalhmingmawia Pachuau DHO kaihhruaiah Pu Lawmawma Tochhawng chuan thu sawiin, vawiina thlai chi kan semte hi lei tha a tla, tam taka rah chhuak ang kha a nih theihna turin a dawngtuten tih tak takna nena ching a, in enkawl a ngai dawn a, thlaiin a ngeih ber chu a neitu thlantui a ni, a ti. Miin an tih theih chuan ka ti ve thei a ni tih inhriain, ka ti ve dawn, ka ti ve ta tih formula hmangin hma lo la ang che u tiin kuthnathawktute chu a fuih a ni.

Thlai chi hrang hrang semchhuahte hi HPC Lunglei leh Horticulture Department in loneitute tan an leisak a ni a, a thlawnin an pe a ni. 

Thlai chi semnaah hian Pu Tlangtimawia Zote DAO, Pi Laldinpuii EE, Irrigation & Water Resources Department te pawh an tel.

Covid-19 hrileng avanga lockdown neih chhung khan Lunglei District mipuite chawhmeh chi hrang hrang Vegetable Supply Chain hmangin Zawlpui atang hian lakluh a ni a, cheng nuai 10 vel an chawhmeh hralhna atang hian an hmu a ni.