No.6551/2020-2021

Dated Serchhip, the 16th November, 2020:    Vawiin hian Serchhip District Election Officer Pu Kumar Abhishek, IAS chuan Special Summary Revision of Electoral Roll, 2021, Serchhip District Draft Roll chu tlangzarhin a bute hi political party hrang hrang aiawhte hnenah hlan nghal a ni.

Draft Roll tlangzarhna inkhawm tawi hi DC Meeting Hall ah buatsaih niin Pu Kumar Abhishek chuan, Election Commission of India ruahmanna angina nakum January ni 1 a kum 18 tling chinte Electoral Roll a thun beihpui thlak neih chhunzawm tur a ni a. He revision hi hlawhtling taka kan neih theih nan tlawmngawipawl te, party te, chanchinbumite leh khawtlang hruaitute thawhpuiah ka sawm cheu a ni, tiin kalkhawmte a sawm a ni. Bawrhsap hian Draft Roll dinhmun tlangpui a sawi bakah New Serchhip huam chhungah Polling Station thar pahnih 26/23 New Serchhip I, Polling Station atan New Serchhip North Branch YMA Hall leh 26/26 New Serchhip IV, Polling Station atan Brilliant HSS te siam thar an nih thu a tarlang a. New Serchhip I BLO atan Pu Peter Lalnunmawia leh New Serchhip IV BLO atan Pu R. Vanlalhuma ruat an nih thu a tarlang bawk.

Pi C. Lalduhzuali, SDO Sadar chuan Draft Roll dinhmun tlangpui leh Summary Revision neih chhoh dan tur a tar lang a. Draft Roll ah hian 26- Serchhip (ST) AC ah voters 18630 awmin an zinga 8816 chu mipa an ni a, a dang 9814 chu hmeichhia an ni. 27- Tuikum (ST) AC ah voters 16,018 awmin an zinga 7957 chu mipa an ni a, a dang 8061 chu hmeichhia an ni. 28- Hrangturzo (ST) AC ah voters 15,925 awmin an zinga 7924 hi mipa niin a dang 8001 chu hmeichhia an ni. Tichuan General Voters ah hian district chhung bial pathumah hian mi 50,573 awmin an zinga 24,697 hi mipa an ni a, a dang 25,876 hi hmeichhia an ni. Heng bakah hian Service voters hi district chhungah 397 an awm a, an zinga 395 hi mipa niin a dang 2 hi hmeichhia an ni. Service voters te nena belh khawm hian district total chu 50970 a ni a, heng zinga 25,092 hi mipa niin a bak 25,878 hi hmeichhia an ni. Pi C. Lalduhzuali chuan Serchhip district chu Census 2011 report ah Sex ratio 981 a nih lain Voters Sex Ratio erawh 1048 a ni thung a. Hei hi hmeichhiate Roll ah ka pate hnen lamah leh kan mona lamah kan awm nawn vang a ni ve palh thei a ni, a ti a. Nasa taka Electoral Roll hi endik chhoh zel a nih thu sawiin nikum Summary Revision chhung pawh khan lakluh belh aiin paih hi 31 zetin a tam zawk a ni, tiin nikum hmalak dan a tarlang bawk. Pi C. Lalduhzuali chuan, AERO ten an bial chhung khuate a hearing an va neih ngei a tul chang a awm a, hearing neia khua an va tlawh kher a tul loh chang te pawh a awm ve thei tih hriatpui turin kalkhawm te hi a ngen bawk a ni.

Special Summary Revision of Electoral Roll, 2021 atana vawiina Draft Roll Publish a nih hian nakum Roll thara chuang thei turte lak luh leh paih ngai thenfai hun hawn zui nghal a ni a. Kum tling tharte lakluh theih chinte chu nakkum January ni 1, 2021 a kum 18 tling chinte an ni ang. Election Commission chuan hetiang hian Roll siam chhoh dan tur hunbi a duang a ni. Luh thar dilte leh siamthat ngai siam  that dilna hun chu vawiin ni 16.11.2020 atanga 15.12.2020 thleng thehluh theih a ni ang a, hemi hun chhung hian Special Campaign pawh neih tur a ni ang. Dilna te chu 10.1.2021 ral hmain chin fel vek (disposal of claims & Objections) an ni ang a, dt 14.01.20201 hmain lehkha chin fel ngai chi reng reng chin fel niin ECI hnen atanga final publication neih phalna lak fel hman tum a ni anga, dt 20.01.2021 ah Final Roll 2021 chu tlangzarh (publish) tur a ni ang.

Draft Roll publish a nih thute, dilna leh siam that ngai siamna hun hawn zui a nih thute hi District Election Officer hian district chhunga nitin chanchinbu zawng zawng leh Serchhip Cable TV ah te, I&PR Department kaltlangin vawiin hian a tichhuak bawk a ni.

Vawiin Draft Roll 2021 publish ah hian Pu Lalmuansanga Ralte, Addl DC te, ERO leh AERO te, Party aiawhte, tlawmgaipawl aiawhte, chanchinbumite an tel a ni.

Attachment

  • Loading attachment...