No.6552/2020-2021

Aizawl, the 16th November 2020: Vawiin chawhma khan Pi Lallianpuii, Director, I&PR leh a thawhpui Senior Officer te chuan Media a an thawhpui thin kal chhuak tur Pu Shariq Noor, Asst Director, Press Information Bureau(PIB) thlahna hun an nei.

I&PR Officer te chuan hun engemaw chen Media lama an thawhpui thin PIB Officer Pu Shariq Noor chu thawpui nuam leh mahni hnaa inpe tak a nih thu an sawi a. Mizoram sawrkar thuchhuah te Mizoram pawn lama pek chhuah kawngah a thawh hlawk thu te sawiin an ui thu an sawi a. A posting tharah pawh tha taka hna a thawh chhunzawm theih na turin duhsakna an hlan a ni. Pu Shariq Noor pawhin Mizoram a kum 3 lai a awm chhungin hun hlimawm tak a hmang tih sawiin Official te thawhpui an nuam tih a sawi a. A bikin Mizoram Chanchinbumite nen an inkar a that thu te, thawhpui nuam a tih thu leh mipui hnena news piah lamah mipui zirtirna pek kawngah te hna an thawk tha hle nia a hriat thu te a sawi a ni.