No.1135/2021-2022

Lunglei the 25th June, 2021 - Vawiin khan Pu Lawmawma Tochhawng MLA,HPC Vice Chairman chuan a bial Lunglei East chhunga hmasawnna hnathawh hrang hrang te a tlawh kual.

Haulawng to Dawn kawng National Highway 54 pawh tur, PMGSY hnuaia Contractor in a laih meka Ralvawng leh Dawn khaw inkar hna kal lai mek chu a hmunah kal in hnathawh dan te a enfiah a. Helai hnathawktu Contractor-te chu hna tha taka thawk tura chahin mipui te tana ro tling kawng tha tak siam turin a chah a ni.

Hemi bakah hian Dawn leh Zobawk khua mi tam tak ten lo an neihna leh an chak lakna ber "Pawihkai zau"chuanchung kawng (Agriculture Link Road)laih mek zawh tep tawh pawh tlawh nghal in,kawng laih hna chak tak a kal chu lawmawm a tih thu a sawi a ni.

Kuthnathawktute tana hmalak zel dan tur te pawh ngaihtuah ho niin Ralvawng khawtlang ta tur 'Community Fish Pond' Chite Lui ah siam theih a ni em tih en in Chite Lui hi HPC Vice Chairman ho hian thui tak zawh in hmun rem chang tak tak awm in hriat a ni a, a rang lam in remchang hmasa berah Drone hmanga zir chian leh tum a ni.