No.1136/2021-2022

Lunglei the 25th, June’ 2021: Vawiin chawhnu khan Distict Level Monitoring Committee on Central Sector Scheme” Formation and Promotion of 10,000 new Farmer Producer Organisation (FPOs) chu Pu Kulothungan A, IAS, Deputy Commissioner, Lunglei kaihhruaiin a office chamber-ah neih a ni. Meeting-ah hian NABARD, Lead Bank, Implementing Agency pahnih - Small Farmers Agri-Business Consortium(SFAC) leh North Eastern Regional Agriculture Marketing Corporation Limited (NERAMAC)-te bakah Line Department hrang hrang - Agriculture, Horticulture, Fisheries, Co-operation, KVK, ATMA te an tel a ni.

Pu Kulothungan A, chuan member kalkhawmte lo lawmin Central Sector Scheme hian farmer te hmakhaw eng tak a thlen tir a beisei a, Farmer Producer Organisations-te hian Lunglei District tan sum lakluhna ngialnghet leh hmasawnna tluantling a thlen ngei a beisei thu a sawi bawk.

He Central Sector Scheme hnuaiah hian Implementing Agency ten ram leilung milin thlai chin tur Cluster Base Business Organisations (CBBOs) kaltlangin an thlang anga, Farmer Producer Organisations te kawng tinreng ah an pui bawk ang.