Pu Lawmawma Tochhawng Vice Chairman HPC Lungleiin vawiin khan 2nd Bn MAP Luangmualah, Basic Disaster Management Training a hawng.

Hawnna inkhawm Pu H. Lalduata Asst Director (Operation) DM&R Department kaihhruaiah hian Pu Lawmawma Tochhawng chuan thu sawiin, Police ten training pawimawh tak an neih tur chu a lawmpui thu sawiin mipui tan tangkai taka an zirchhuah theih nan duhsakna a hlan a. Disaster-a thlenin rilru fim tak leh hliamte dimdawi leh dam taka enkawl a tul thu sawiin he training hi Police te tan a pawimawh takzet a ni, a ti. Khuallian chuan khawvel changkang zelah kan In sakna hmanrua leh bungrua te a changkang chho zel a, chuvangin, chhiatna a lo thlen pawhin tun hma a Tui chirh leh chem nena thawhchhuah a, hmalak ang ringawt kha a ni thei tawh lova, hmanraw tha kan neih a ngai a, chumi rual chuan hmanraw tha hmang turin a mihringate kan pawimawh takzet a ni, a ti bawk.

He hunah hian Pu FJ Liantluanga Director DM&R Deptt leh Pu Saidingliana Commandant 2nd Bn MAP te pawhin thu an sawi a, he traininga zirtirna pe tur Inspector Kishore 1st Bn National Disaster Response Force pawhin thu an sawi.

Training hi tun kar Zirtawpni thleng awh tur a ni a, Lunglei, Lawngtlai leh Siaha District atangin Police thlanchhuah bikte an tel a, karlehah a batch hnihna neih leh a ni ang.