1766/2023-2024

Lunglei the 5th, September' 2023 : Vawiin khan City Mission Management Unit, Lunglei ULB, Urban Development & Poverty Alleviation Department, Lunglei buatsaihin Bethel Centre, Lunglei ah Home hrang hrang te hman tur bungrua (Refurbishment Item) semna hun hman a ni.

He hun hi Pu.Lawmawma Tochhawng, MLA & Vice Chairman, High Powered Committee, Lunglei chuan khuallian niin a hmanpui. Refurbishment Items semna hun hi Pu C.Sawihlira, DUDO, UD&PA Department, Lunglei chuan kaihruaiin khuallian Pu.Lawmawma Tochhawng chuan khawpui a cheng mi harsa te kawng hrang hranga dawmkan dan ngaihtuahtu UD & PA Department chungah lawmthu a sawi a. Pathian thu kan sawi thin leh zirtir thin te hi ataka a lo thlen na hmun a nih thu sawiin, a mi te kaltlanga home a awm mi chanhai leh rethei te hnena rawngbawl hna thawktu te hi ropui a ti a. Khua leh tui tana thawktu sorkar hi hmanrua pakhat a nih thu a sawi a, UD&PA Department kaltlanga amahmawhtu te hnena hmanrua hlan thin a ni. Sorkar in thil min tih sak te hi lawmna chang hre turin a chah in sorkar thil tum te a hlawhtlinna turin ngaihtuahna hman a ngaih thu sawiin thawhhona tha tak nen hmasawnna kawng ah ke pen theuh turin a chah a . Heng thilpek te hi home hrang hranga chengten tangkai taka hmang a, nun kawng dik zawh nan hmang se a ti bawk.

Pi B. Vanlalhriatpuii, Manager, SD&I, DAY-NULM, UD&PA Deparment, Lunglei chuan report pein DAY-NULM( Deendayal Antyodaya Yojana-Nation Urban Livlihood Mission) hi Ministry of Housing & Urban Affairs hnuaia sorkar laipui flagship programme pawimawh ber pakhat niin khawpui chhung a miretheite chawikanna hna thawh a ni a, DAY-NLUM hnuaiah hian component 5 a awm a, Social Mobilisation and Institutional Development, Employment through Skills Training & Placement, Self Employment Programme, Support to Urban Street Vendors leh Shelter For Urban Homeless te a ni. Shelter For Urban Homeless khawpuia mirethei chengte tana "chenna in" buatsaih a, chu shelter ah chuan tui, inthiarna, choka, eng leh adang pawimawhte a awm ngei tur a ni. He component hnuai ah hian Lunglei khawpui chhunga Home 12 te register tawh niin tanpuina leh bungrua te hlan thin an ni. Vawiin a Home hrang hrang 5 a bungrua hlan te chu K.K. Home-ah Electric Geyser (25ltrs) 2 leh Fire Extinguisher (4Kgs) 1, Bethel Centre-ah Cctv-2 channel 1, Electric Geyser (25ltrs), Cotton blanket(4x6ft) 20 leh Mattress (3x6ft) 10, Observation Home & Lunglei Special Home-ah Electric Geyser (25ltrs) 1, Mercy Home-ah Ro Water Filter(9 ltrs) 1.

He hun ah hian Home hrang hrang aiawhten thu an sawi bawk.