1767/2023-2024

Lunglei the 5th, September' 2023: Vawiin chawhnu khan District Level Committee for Celeberation of Teachers Day 2023 Lunglei buatsaih in DCs Conference Hall, Lungleiah Teachers' Awardee la dam te chawimawina 2023 hun hman a ni.

He hun hi Pu H. Sangthanga, SDEO, South & Addl. DPC, Samagara Shiksha , Lunglei chuan kaihruaiin Pi Lallianzuali Bawihtlung, District Education Officer, Lunglei chuan hetiang chawimawina a hun chhunga siam anih hi lawmawm a ti a. Tuna chawimawite ang ni ila Lunglei chu kan changkang hle ang a ti a. Mahni duty na a mi hming tha chawimawi tlak awm te chu chawimawi an phut thu a sawi . Zirtirtu te hi an chhuanawma, an hlutna leh an thawhrimna avangin mi tha leh mi hlawhtling tam tak an chherchhuah thu a sawi bawk.

He hun ah hian Pu Sangthanzuala Ralte, Head Master Govt. Venglai High School (Rtd) NationalAwardee leh Pu C. Saihmingliana, PK Middle School, State Awardee te pawn thu an sawi a. Lunglei atang hian National Awardee 18 awmin State Awardee 15 an awm a, National leh State Awardee dawng kawp 6 an awm a ni.  Vawiin an chawimawi te hi mi 18  niin thil pek tha tak hlan an ni.