Vawiin chawhma dar 10:00 khan Lunglei Govt. J. Buana College Students’ Union ten Saikuti Hall-ah Freshers’ Social an buatsaih a. Lunglei HPC Vice-Chairman Pu S. Laldingliana chu Khuallian niin a hmanpui.

Pu S. Laldingliana chuan fresher-te chu school-ah attendance leh discipline tha tak hnuaia lehkha zir thin an nih avangin, college an rah ruala zalen ta viau a an in ngaih a hlauh thu a sawi a. Kan zirlaiah duh angin hun kan pek thin loh avangin kan thlen tur kan thleng phak lo thin a, thiamna tak tak nei turin kan hun neih lehkha zir nan kan hman a ngai a ni, a ti a. Zirlaibu mai piah lamah general studies-te pawh uar zawka chhiar turin a chah nghal a ni.

Govt. J. Buana College Principal Prof. J. Zorema chuan fresher-te chu lo lawm in, engvanga chhungten college-a tir nge an nih hre reng turin a chah a. School-ah discipline khauh tak hnuaia an awm thin avangin, college phawvuak a tal ral mai lo turin a duh thu a sawi a. Kuminah zirlai 571 an neih thu leh University result hnuhnung bera first class-a pass zirlai 16 an neih thu a sawi a ni.

He hun hi Students’ Union Vice President Vanlalvena Ralte Kawlni in a kaihruai a. Fresher-ten thutiam lakna a neih bakah First class-a pass zirlaite hnena citation hlanna hun hman a ni.